Saga - 2012, Qupperneq 56

vera einhverjar áhugasamar konur í landinu sem væru til í að stofna
„Icelandic Woman Suffrage Association“ og ganga inn í samtökin.
Bríet hefur svarað þessu bréfi, því vorið 1906 skrifaði Catt henni
aftur.62 Hún þakkaði fyrir bréf og upplýsingar um ástandið á
Íslandi, sem hefði alltaf verið forvitnilegt í hennar augum. Síðan vatt
hún sér að efninu, sem var enn á ný að hvetja hana til að sækja
næsta þing samtakanna sem yrði haldið í Kaupmannahöfn. Catt bað
Bríeti um skýrslu um ástandið á Íslandi, hvernig kosningarétturinn
var fenginn, hvernig konur hefðu notað hann o.s.frv. Hún sagðist
hafa einsett sér að það skyldi verða hún, Bríet, sem kæmi á þingið
og kynnti skýrsluna. Gæti hins vegar ekki orðið af því, þá gæti frú
Thoroddsen kannski lesið skýrsluna frá Íslandi ef hún kysi það.63 Í
post scriptum sagðist Catt verða komin til Kaupmannahafnar 5. júní
og ætla að búa á Hotel Kongen af Danmark. Þessi litlu tilskrif voru
óbein boð til Bríetar um að líta svo á að henni væri frjálst að skrifa
forseta heimssamtakanna hvert sem væri.
Sjálfstæði Íslands tryggt
Í Kvennablaðinu í apríl 1906 er að finna athyglisverða grein eftir
Bríeti.64 Þar gerði hún grein fyrir hugmynd sem upp hafði komið í
Danmörku um að Ísland gengi í hið danska félag sem ein af dönsku
deildunum. Bríet kveður frú Münter hafa mótmælt þessu og hið
sama hafi frú Chapman Catt gert, sem ku reyndar hafa sagt að ekki
kæmi til mála að Ísland gengi í sambandið saman við Danmörku.
Ekki er þó víst að Catt hafi með þessu tekið undir sjálfstæðiskröfur
Íslendinga (sem voru hvorki háværar né skýrar þegar hér var komið
sögu); hitt er líklegra að það hafi skipt alþjóðasambandið öllu máli
að hafa aðildarfélögin sem flest.
Hin hlýlegu hvatningarbréf frá tveimur erlendum merkiskonum
hlutu að hreyfa við viðtakandanum. Ég gat þess áður að skipu-
leggjendur alþjóðafélagsins hefðu búið yfir mikilli hugkvæmni og
auður styrkársdóttir56
62 Lbs. 3608 4to (Bréfasafn Bríetar Bjarnhéðinsdóttur). Carrie Chapman Catt til
Bríetar Bjarnhéðinsdóttur 23. apríl 1906.
63 Hér er átt við Þóru Thoroddsen sem búsett var í Kaupmannahöfn. Þóra var
félagi í Dansk kvindesamfund og tók þátt í störfum félagsins. Um Þóru sjá
Sigrún Pálsdóttir, Þóra biskups og raunir íslenskrar embættismannastéttar 1847–
1917.
64 Sjá Kvennablaðið, 12. árg. 4. tbl. 31. apríl 1906, bls. 25.
Saga vor 2012_Saga haust 2004 - NOTA 10.5.2012 12:39 Page 56