Saga - 2012, Side 66

kosningarétt á stefnuskrá sinni. Með landssamtökum voru kraftar
hinna ýmsu félaga sameinaðir og eitt stefnumál sett á oddinn.
Carrie Chapman Catt hélt áfram að inna Bríeti eftir því hvort
hún ætlaði ekki að koma til Amsterdam. Í öðru bréfi sagði hún að
búið væri að útvega Bríeti húsnæði hjá hollenskri fjölskyldu og þeim
væri í mun að fá fulltrúa frá Íslandi. Hún myndi fá fimm mínútur til
að segja frá framförunum á Íslandi síðan á Kaupmanna hafnar -
fundinum. Og svo kom rúsínan: „Mér skilst að nú eigum við að
bjóða þig velkomna sem bæjarstjórnarfulltrúa frá Reykjavík. Það líst
okkur mjög vel á og það verður gott að tilkynna hollensku press-
unni þetta.“95 Forseti alþjóðasambandsins sá strax hvílík auglýsing
það gæti verið fyrir málstaðinn að hampa bæjarstjórnarfulltrúa við
blaðamenn. Þannig gæti Bríet Bjarnhéðinsdóttir gert samtökunum
afar mikið gagn.
Íslendingar ganga í alþjóðafélag
Bríet fór ekki til Amsterdam. Hún bar því við að hún hefði haft svo
mikið að gera við að ferðast um landið og koma á fót kvenréttinda-
félögum að hún hefði ekki átt heimangengt. Hana hefur einnig vafa-
lítið skort fé til fararinnar, sem hún hefði þurft að kosta sjálf. Bríet
fékk 100 króna styrk hjá Kvenréttindafélaginu til þess að fara um
landið og hvetja til stofnunar kvenréttindadeilda. Í Kvennablaðið
skrifaði hún í lok ágúst að í fimm kaupstöðum væru að komast upp
kvenréttindadeildir: á Ísafirði, Blönduósi, Sauðárkróki, Akureyri og
Seyðisfirði.96
Í sama blaði birtist bréf frá Carrie Chapman Catt undir titlinum
„Til íslenskra kvenna“.97 Þar hvatti hún konur til að stofna kven-
réttindafélög víðsvegar um landið, sem öll stæðu í sambandi sín á
milli og við önnur kvenréttindalandsfélög með því að verða með -
limur í „Alþjóðakvenréttinda-Sambandinu.“ Íslenskar konur í N-
Ameríku hefðu á síðasta ári myndað slíkt félag og orðið ein deild í
kvenréttindalandsfélaginu í Kanada og þannig fengið einn fulltrúa
auður styrkársdóttir66
95 Orðrétt: „I believe that we are to welcome you this time as a member of the city
council of Reykjavik. That we shall like very much, and it will be very good to
announce it to the Dutch press.“ Carrie Chapman Catt til Bríetar Bjarn héðins -
dóttur 18. júlí 1908. Lbs. 3608 4to (Bréfasafn Bríetar Bjarnhéðins dóttur).
96 Kvennablaðið, 14. árg. 8. tbl. 31. ágúst 1908, bls. 57.
97 Sama heimild, bls. 58–59.
Saga vor 2012_Saga haust 2004 - NOTA 10.5.2012 12:39 Page 66