Gríma - 01.09.1948, Side 33

2.
Þáttur af Kjartani í Seli.
[Eftir handriti Ásmundar Helgasonar frá Bjargi.]
1. Ætt Kjartans.
Kjartan Lárus Pétursson — eða Kjartan i Seli, eins
og hann vanalega var kallaður — var fæddur í Eski-
fjarðar-kaupstað 1845. Faðir hans hét Pétur Vilhelm
Brandt, en móðir Péturs var María Andersen, sem var
ráðskona hjá Kjartani kaupmanni ísfjörð á Eskifirði.
Var Pétur að vísu almennt talinn vera sonur hans, en
af því að Kjartan ísfjörð var kvæntur í Danmörku,
mátti hann ekki gangast við faðerni barna þeirra, er
ráðskona hans á Eskifirði fæddi. En hann sá um upp-
eldi þeirra að öllu leyti. — Faðir Péturs Vilhelms var
annars tilnefndur útlendur skipstjóri, sem um mörg ár
sigldi kaupskipum ísfjörðs. — Til mun vera skjal með
eiginhandar undirskrift Kjartans ísfjörðs, þar sem hann
lýsir sig föður að börnum Maríu Andersens.
Móðir Kjartans Péturssonar hét Þorbjörg Þorsteins-
dóttir, af hinni merku ísfelds-ætt. Margir í þeirri ætt
hafa verið gæddir þeirri gáfu, sem nefnd er fjarskyggni.