Heilbrigðisskýrslur - 01.12.1931, Blaðsíða 28

26
menn mikið og einkum hastarlega. Eftir að hafa fylgzt með framferði
sóttar þessarar í 2—3 daga, varð mér ljóst, að hér væri um óvenju
skæða inflúensu að ræða og lagði því til við landlækni og stjórnarráð,
að gerðar yrðu ýmsar rástafanir til þess að tefja fyrir veikinni og
gera hana viðráðanlegri. Var því lokað öllum skólum, bannaðar allar
samkomur, bíóum og leikhúsum lokað o. s. frv. Fyrir forgöngu heil-
brigðisnefndarinnar bjó bærinn sig á ýmsan hátt undir að hjálpa
sjúklingum með því að hafa til taks húsnæði með sjúkrarúmum og
hjúkrunarfólki til þess að taka á inóti sjúklingum. Einnig var fólki
safnað til hjúkrunar og aðstoðar í heimahúsum. Á sjúkrarúmum
þurfti ekki að halda frekar en Farsóttarhúsið gat tekið á móti, en
hið síðarnefnda atriði reyndist mjög nauðsynlegt, því að víða urðu
heimili alveg ósjálfbjarga um tíma. Það er sannfæring mín, að vegna
þess, hve fljótt var gripið til þessara ráðstafana, hafi veikin orðið
vægari, viðráðanlegri og minna mannskæð.
Hafnarfi. Inflúensa kom hingað fyrri hluta ársins en var væg, eng-
inn dó úr henni og fylgikvillar fátíðir.
Skipaskaga. Gekk hér frá síðari hluta febrúarmánaðar til aprílbyrj-
unar. Fremur væg í þetta sinn en gekk mjög ört yfir, svo hætta varð
skólahaldi í 2—3 daga. Fengu margir allháan hita. Blóðnasir og
eyrnabólgur voru tiðar.
Borgarfi. Héraðsbúar lögðu kapp á að verjast þessum faraldri, sem
gekk í janúar—febrúar í Reykjavík og víðar. Nokkrir hreppar tóku
upp samgöngubann og tókst að verjast. Tveir sjúklingar eru skráðir
i febrúar og einn i marz, var það fólk, sem veiktist á heimleið frá
Reykjavík og var einangrað hér í sjúkraskýlinu. I apríl barst veikin að
Hvítárbakka og hreiddist nokkuð út, en var ekki þung.
ólafsvíkur. Stakk sér niður í marzmánuði án þess að veruleg brögð
yrðu að. Aðstoðarlæknir taldi liklegt, að hún hefði borizt frá Revkja-
vík.
Dala. í febrúarmánuði var ákveðið, samkvæmt heimild heilbrigðis-
stjórnarinnar og eftir tillögum héraðslæknis, að reyna að verja hérað-
ið fyrir inflúensu, sem þá gekk í Reykjavík og sumum nálægum hér-
uðum. Var sóttvörnum haldið uppi á kostnað sýslusjóðs i rúmlega 1%
mánuð, með þeim árangri, að engin inflúensa barst inn í héraðið, þá
eða síðar á árinu, svo að kunnugt sé. Þótti ráðlegt að leggja það til,
að lagt yrði í sóttvarnir þessar, með því að sóttin var annarsstaðar
sögð sýkja marga, en á flestum bæjum í héraðinu aðeins einn karl-
maður til útivinnu um þetta leyti árs og tíðin slæm, og hinsvegar til-
tölulega auðvelt og frekar kostnaðarlítið að halda uppi sóttvörnum,
svo afskekkt sem héraðið er og samgangnalítið að vetrinum.
Reykhóla. Inflúensa í marzmánuði, væg.
Flateyjar. Sóttvarnir voru teknar upp gegn inflúensunni í febrúar-
mánuði og fram í apríl. Eftirlit var haft með skipum, sem komu til
Flateyjar. Einn sjúklingur kom .veikur af inflúensu með Gullfossi frá
Reykjavík. Var hann settur í sóttkví hér í Flatey. Engir fleiri veiktust,
og slapp héraðið algerlega við veikina.
Patreksfi. Gekk hér í febr.-—júní, voru flestir veikir í febr.—marz.
Síðustu sjúklingar skráðir í júní. En þá er sem kvefsóttin færist í auk-