Heilbrigðisskýrslur - 01.12.1931, Blaðsíða 96

94
Hveiti hefir verið notað hér miklu meira en ég vandist í sveitinni á
Fljótsdalshéraði. Á sumum heimilum meira notað af því til brauða
en af rúgmjöli. Tannskemmdir eru hér mildu almennari en þær voru
eystra.
Grímsn.es. Viðurværi alþýðu sæmilegt. Skyrbjúgur þekkist hér ekki.
Kartöflur og annar jarðarávöxtur er ræktaður, svo að hverjum nægir
handa sér. Hæns eru mjög' víða og varpendur á stöku stað.
6. Áfengisnautn. Kaffi og tóbak.
Læknar gera yfirleitt lítið úr áfengisnautn í Iandinu, enda mun dag-
legur drykkjuskapur naumast þekkjast utan Reykjavíkur og stærstu
kaupstaðanna. Á skemmtisamkomum úti um landið eru menn þó ekki
eins grandvarir og áður. Úr brugginu gera læknar ekki heldur mikið.
Þó mun allvíða vera kákað við það, en naumast svo að að kveði, nema
í grennd við Reykjavík, og mun þar vera aðalmarkaðurinn.
Læknar láta þessa getið:
Hafnarfj. Áfengisnautn er hér ekki á háu stigi, enda þótt hér sé út-
sala á Spánarvínum. Heimabrugg er hér mjög lítið, en aftur á móti eru
reykingar, sérstaklega sigaretlureykingar, á svo háu stigi, að það er
áhyggjuefni margra bæjarbúa.
Skipaskaga. Áfengisnautn ekki mikil, þó ekki örgrannt, að bruggar-
ar séu hér víðar en marga grunar. Kaffidrykkjan minnkar ekkert, en
te og kókó lítið notað. Tóbaksnautn er afarmikil, einkum neftóbaks-
og vindlinga. Munntóbak er ekki mjög mikið notað.
Borgarfj. Talsvert er farið að bera á vínnautn ungra manna, einkum
á skemmtisamkomum. Getur þar varla verið öðru til að dreifa en
heimabrugguðu áfengi.
Ólafsvíkur. Áfengisnautn í héraðinu má teljast lítil, helzt verður
hennar vart hjá mönnum á æskuskeiði. Kaffi og tóbaksnautn mikil.
Flateyjar. Drykkjuskapur enginn.
Flateyrar. Áfengisnautn er hér lítil vegna þess að áfengi er svo sjald-
an fáanlegt. Eftir komu sumra milliferðaskipanna, norskra flutninga-
skipa eða þýzkra togara, ber þó stundum talsvert á drykkjuskap ungra
manna, sem ekki horfa í þótt dropinn sé dýr. Ef 5 áhrifamenn í hverju
þorpi mynduðu samtök með hreppstjóra til þess að verjast smyglun,
og þessi sambönd stæðu í náinni samvinnu við tollverði ríkisins,
myndi mikið vera hægt að minnka smyglun frá því sem nú er.
Tóbaksnautn er hér mikil, einkum vindlingareykingar, þó sjálfsagl
ekki meiri en gerist og gengur.
Hesteyrar. Áfengisnautn getur ekki talizt nein meðal innanhéraðs-
manna en er nokkur meðal utanhéraðsmanna, sem unnið hafa á síld-
arstöðinni. Talsvert kveður að neftóbaksnaut, bæði meðal eldri og
yngri kynslóðarinnar.
Hólmavíkur. Áfengisnautn lítil í héraðinu, og drykkjuskapur þekk-
ist ekki. En svo vel fylgjast menn með tímanum, að innlend fram-
leiðsla mun þekkjast á stöku stað.
Höföahverfis. Áfengisnautn lítil.
Húsavíkur. Eitthvað um drykkjuskap, en ekki áberandi. Tóbaks
nautn mikil.