Heilbrigðisskýrslur - 01.12.1931, Side 88

86
mig í síma. Er slíkt ómetanlegt og vænlegra til gagns, heldur en þegar
sjúklingarnir sjálfir fá til þess Pétur eða Pál, sem ekkert skyn bera á
veikindi og sjaldnast geta gefið neinar verulegar upplýsingar. Því
miður virðist nú frú Sigríður tæplega lengur geta sinnt þessu starfi
vegna heilsubilunar (morbus Basedowi), og mun þess mikið verða
saknað bæði af mér og Súgfirðingum. Er óhjákvæmilegt, að sveit þessi
útvegi sér hjúkrunarkonu, sem smám saman vendist á að sinna ein-
földustu læknisstörfum í plássinu, auðvitað í náinni samvinnu við
lækni héraðsins, en síminn gerir þá samvinnu auðvelda. Hefi ég þegar
ýtt máli þessu af stað.
Hofsós. Ekkert sjúkrasamlag er í héraðinu, en í stað þess 2 sjúkra-
sjóðir, Sjúkrasjóður Fellshrepps og Sjúkrasjóður Hofshrepps. Sjúkra-
sjóðir hafa þann kost fram yfir sjúkrasamlög, að ekki er hætt við, að
þeir lendi í beinni fjárþröng. En vitanlega gera þeir ekki eins mikið
gagn. Þó greiðir Sjúkrasjóður Fellshrepps í flestum árum mestan hlut-
ann af læknishjálp og lyfjum félagsmanna. Hinir fátækari félagsmenn
eru jafnan látnir sitja fyrir styrk úr báðum sjóðunum.
Akureijrar. Ég finn oft sárt til þess, hve sveitirnar vantar tilfinnan-
lega hjúkrunarkonur til aðstoðar oss læknum. Tel ég mjög æskilegt,
að heilbrigðisstjórnin gengist fyrir þvi, að stofnuð yrðu með ríkisstyrk
héraðshjúkrunarkonupláss — ein og ein hjúkrunarkona verði smám
saman fengin til að gegna í hverju héraði eftir því sem læknir telur
þörf og héraðsbúar sjá sér fært að ala önn fyrir henni. Og ég hugsa
mér, að sú héraðshjúkrunarkona yrði fyrst og' fremst umferðahjúkr-
unarkona (Health visitor og Public health nurse) og leiðbeindi hús-
mæðrum og stúlkum við heimahjúkrun (haldi námsskeið í hjálp í
viðlögum og heimahjúkrun), en sjálf hefði hún umsjón, húsvitjanir,
aðstoðaði lækni o. s. frv.
Frá fornu fari hefir sjúkraflutningur oft verið mjög erfiður í þessu
héraði, eins og víðar á landi voru, einkum yfir Vaðlaheiði og framan
úr dölum (Hörgárd., Öxnad., Villingad. og Sölvad.). Veit ég dæmi þess,
að sjúklingar hafa orðið að deyja með harmkvælum miklum, sem ann-
ars hefði mátt bjarga og í öllu falli líkna, ef flutningar hefðu verið auð-
vcldari. Enn má segja, að sömu vandræði geti komið fyrir, þegar ófærð
og illviðri banna. Hinsvegar er það mikil bót fyrir héraðsbúa, að
Rauðakrossdeild Akureyrar hefir nú eignazt sjúkrabifreið.
Sjúkrasamlag Akureyrar er eina samlagið í héraðinu, en
sjúkrasjóðir eru nokkrir. Var stofnað af mínum hvötum 1913 og komst
meðlimatalan brátt eins hátt og hún er nú og hefir rétt haldizt við í því
horfi síðan. Fólk hefir verið afar tregt á að skilja hina praktisku þýð-
ingu þess, og svo er enn.
Vopnafj. Ekki hefir tekizt að fá hjúkrunarkonu í héraðið, þrátt
fyrir ýmsar tilraunir í þá átt.
Fljótsdals. Ekkert sjúkrasamlag er í héraðinu. Virðist mér, að hér i
fámenninu væri hjúkrunarmálum vel fyrir komið, ef yfirsetukonurnar
fengju meiri tilsögn í hjúkrun heldur en er, og stunduðu heimhjúkr-
un með yfirsetukonustarfinu, sem er ekkert starf handa þeim. Mer
kæmi t. d. afarvel að hafa þó ekki væri nema eina yfirsetukonu í hérað-
inu til að grípa til, sem vön væri hjúkrun og gæti gefið sig að því.