Heilbrigðisskýrslur - 01.12.1931, Side 86

84
hún læknum aðstoð við aðgerðir með svæfingum í 52 skipti. Til hjálp-
arstöðvarinnar leituðu berklasjúklingar ráða í 850 skipti. — 160 nýir
sjúklingar komu þar á árinu.
Deildin fékk á árinu sjúkrabifreið að gjöf frá aðalfélaginu í Rvík.
Meðlimir deildarinnar eru 100. Árgjaldið 5 kr. Meira en þriðjungur
árgjaldanna tapast árlega. Fjár aflað með hlutaveltum, skemmtisam-
komum og merkjasölu.
Tekjur á árinu alls kr. 2660,00 Gjöld kr. 4500,00.
7. Hjúkrunarfélagið, Baldursbrá. Glæsibæjarhreppi. Stofnað 1920.
Konur einar meðlimir. Hafði hjúkrunarstúlku í 6 ár en síðan ekki.
Starfar á þann hátt, að afla sér fjár með skemmtisamkomum o. fl. og
veita ýmsum heimilum fjárstyrk, jjegar veikindi sverfa að.
8. Kvenfélag Fnjóskdæla. Gengst fyrir því síðan 1922, að hjúkrun-
arstúlka starfi í sveitinni. Stúlka var við hjúkrun á Akureyrarspítala
í 6 mánuði og starfar á vegum félagsins. Hafði í 2 ár engin föst laun.
En síðan 1924 greiðir sveitarfélagið henni 200 kr. í árskaup. Tekur
auk þess dagkaup þar sem hún hjúkrar. 2 kr. á sumri, 1 kr. vor og
haust, 50 aura á vctri.
9. Kvenfélag Arnarneshrepps. Starfaði svipað og fyrrgreint félag á
árunum 1923—1926. Hafði hjúkrunarstúlku, lítt lærða. Hafði 170 kr.
árskaup og 2 kr. á dag á sumri, en kr. 1,50 á vetri. 1930 var tekin sú
stefna að ráða vinnustúlku til aðstoðar á sjúkraheimilum. Er greitt
1-—2 kr. dagkaup eftir árstíðum.
10. Hjúkrunarfélagið Hjálpin, Saurbæjarhreppi, Eyjafirði. Hóf starf
sitt 1914. Hafði í nokkur ár hjúkrunarstúlkur, sem lært höfðu litils-
háttar til hjúkrunarstarfa á Akureyrarspítala. Fyrst engin föst laun
greidd, en aðeins dagkaup, 2 kr. haust og vor, 1 kr. á vetruin og 5 kr.
á sumrum. Seinna var goldið 200 kr. árskaup iir félagssjóði. Milli þess
sem hjúkrunarstúlkan hjvikraði, vann hún algenga vinnu á því heimili,
sem hún hélt til á og vann þannig fyrir sér.
Síðustu 3 árin hefir félagið enga fengið til hjúkrunarstarfanna með
svipuðum kjörum og áður. Félagið lifir að vísu enn, en áhugi mjög
dofnaður. Félagskonur nú 20, voru áður 60.
11. Hjúkrunarfélag Öngulstaðahrepps starfaði á árunum 1914—
1925. Á svipaða sögu og Hjálpin. Meðlimatala komst upp í 50. Er nú
hætt vegna örðugleika á að fá hjúkrunarstúlku.
12. Hjúkiunarfélagið Hlín, Höfðahverfi. Hefir ólærða stúlku í þjón-
ustu sinni til almennrar hjálpar á sjúkraheimilum. Aðeins ráðin yfir
veturinn. Kr. 100 árskaup. Kr. 1,50 á dag, þegar hún er við hjálparstörfin.
13. Kvenfélag Húsavíkur. Með tilstyrk þess er ráðin kona til að
stunda sjúka og vera til aðstoðar á sjúkraheimilum í þorpinu.
14. Kvenfélag Fellahrepps og
15. Kvenfélag Vallahrepps á Fljótsdalshéraði hafa oft haft hálflærð-
ar hjúkrunarstúlkur til hjúkrunar. Síðustu 2 árin hafa þau engar
stúlkur fengið.
Sjúkrasamlög.
Þau eru jafnmörg í landinu í árslok þessa árs og árið fyrir, en með-
limatalan hefir nokkuð aukizt og var samkv. skýrslum til stjórnar-
ráðsins, sem hér segir: