Heilbrigðisskýrslur - 01.12.1931, Blaðsíða 98

96
um 50 kýr í kauptúninu. Aftur á móti virðist um nýmjólkurskort að
ræða í sveitunum, því Leirsveitungar og Strandamenn flytja alla
mjólk sína til Mjólkurfélags Reykjavíkur, og hafa því lílið aflögum
til heimilanna. Er enginn vafi á, að börnin hljóta að líða tjón við það.
Ólafsvíkur. Meðferð ungbarna fer batnandi í héraðinu, þótt ekki
sé hún komin í það horf, sem æskilegt væri. Ungbörn oftast lögð á
brjóst þegar því verður við komið. Ungbarnadauði farið mjög minnk-
andi á seinni árum.
Dala. Þó að ljósmæður færi á skýrslur, að nærri öll börn séu lögð
á brjóst, þykist ég hafa orðið þess var, að sumt af því sé aðeins til
málamyndar, sum börnin ekki lengur en viku til mánuð á brjósti.
Færa sumar konur það til sem afsökun, að þær mjólki barninu of
lítið, eða mjólkin úr þeim sé óholl. Kunnáttu mæðranna í því að
blanda kúamjólk handa ungbörnum virðist einnig mjög ábótavant.
Flateyjar. Meðferð ungbarna í sæmilegu lagi.
Flateijrar. Meðferð ungbarna er góð, og þau alltaf lögð á brjóst, nema
sérstakar ástæður banni. Ungbörn deyja hér naumast úr öðru en
berklum.
Hesteyrar. Meðferð ungbarna dágóð. Börn almennt höfð á brjósti,
sé þess kostur.
Hólmavíkur. Meðferð ungbarna góð eftir því sem ástæður leyfa.
Allflestar mæður leggja börn sín á brjóst, 29 af 30.
Höfðahverfis. Flestar mæður leggja börn sín á brjóst. Þó er hætt
við, að margar mæður hafi ekki börnin á brjósti nema stuttan tíma.
Vopnafj. Meðferð ungbarna hér mjög góð, og nálega öll börn lögð á
brjóst. Það þykja jafnmikil tíðindi, að ungbarn deyr sem fullorðinn.
8. íþróttir.
Iþróttaiðkanir fara í vöxt í landinu. Sérstaklega fleygir sundinu
fram, og er hver laugin gerð af annari. Ýms héruð eru þó mjög aftur
úr að þessu leyti.
Læknar láta þessa getið:
Hafnarfj. íþróttalíf er ekki á svo háu stigi, sem æskilegt væri; þó
er sund stundað af allmiklu kappi.
Borgarfj. Leikfimi er kennd í skólunum á Hvanneyri og í Reyk-
holti. Auk þess sund í Reykholti, og er það stundað af miklu kappi.
Nemendur þessara skóla iðka og knattspyrnu og keppa í henni einu
sinni á vetri, er þeir sækja hvorir aðra heim. Annars eru útiíþróttir
og glímur stundaðar álmennt á vorin, og íþróttamót háð á hverju sumri.
Tvær góðar sundlaugar voru gerðar þetta ár, úr steinsteypu, auk
laugarinnar í Reykholtsskóla.
Ólafsvíkur. íþróttir nokkuð iðkaðar af æskulýðnum. I barnaskól-
um kauptúnanna er leikfimiskennsla á vetrum. Sundkennsla hefir
farið fram í nokkrum hreppuin með nokkrum styrk úr ríkissjóði.
Dala. Á síðastliðnu hausti var byggingu sundlaugar á Laugum í
Hvammssveit svo langt komið, að í vetur hafa þar verið haldin 2
sundnámskeið, og aðrar íþróttir lítilsháttar iðkaðar í sambandi við
það. Heitt og kalt vatn fæst úr hver og uppsprettu uppi í fjalli. Bygg-