Heilbrigðisskýrslur - 01.12.1931, Blaðsíða 85
83
heimilin. Á stöðinni voru gerðar 939 læknishlustanir, þar af voru 144
nýir sjúklingar hlustaðir og skyldulið þeirra, sem einnig var hlustað.
Voru það 16 karlmenn, 34 konur og 94 börn. Stöðin tók á móti alls
2609 heimsóknum, og voru þær heimsóknir, sem umfram eru ofan-
greindum læknishlustunum, af fólki, sem að jafnaði kom til þess að
fá sig vigtað og til þess að leita ráða og upplýsinga hjá stöðvarhjúkr-
unarkonunni. 16 sjúklingum var útveguð heilsuhælis- eða spítalavist.
Röntgenmyndir hafa verið teknar af 39 sjúldingum, og 29 sjúklingar
hafa fengið ljóslækningar. Stöðin hefir séð um sótthreinsun á 13
heimilum.
Ungbarnavernd Líknar. Barnaverndarhjúkrunarkonan fór í 1509
vitjanir á heimilin. Stöðin tók á móti 206 nýjum heimsóknum af
börnum og 739 endurteknum heimsóknum. 198 mæður hafa leitað
ráða hjá stöðinni, og hefir hún því alls tekið á móti 1143 heimsóknum.
Einnig hafa 24 barnshafandi konur leitað til stöðvarinnar, þar af eru
10 nýjar og 14 endurteknar heimsóknir.
Hjúkrunarfélagið hefir útbýtt miklu af gömlum og nýjum fatnaði
á árinu, ásamt lýsis- og matargjöfum. Einnig hafa verið lánuð rúm,
rúml'öt, barnafatnaður, hitamælar og hrákakönnur frá stöðvunum.
Gefnir hafa verið vasahrákabaukar til berklaveikra sjúklirga.
Af lýsi var útbýtt 1000 lítrum, og gefnir voru 4545 lítrar af mjólk frá
Berklavarnarstöðinni og 2160 lítrar af mjólk frá Barnaverndunin li.
Húsaleigustyrkur hefir verið veittur 1 sjúkl. frá Berklavarnar-
stöðinni.
Tekjur félagsins á árinu voru 23967,64 kr., en gjöld 26641,41 kr.
Af öðrum hjúkrunarfélögum eru þessi nefnd:
2. Hjúkrunarfélag, Akranesi.
3. Kvenfélag Reijkdæla, Borgarf. Hefir ólærða hjúkrunarstúlku á
sínum vegum.
4. Kvenfélag, Hellissandi. Sömuleiðis.
5. Hjúkrunarfélagið Hlif. Akureyri. Hefir starfað síðan 1907. Aðal-
lega skipað konum iðnaðar- og verkamanná. Árgjöld 2 kr. Tala með-
lima orðið hæst 170 en er nú 87. Hefir alla tíð haft ólærðar hjúkrun-
arstúlkur og goldið þeim hæst kaup 120 kr. á mánuði. Um tíma hafði
það að auki hjúkrunarstúlku til að ræsta herbergi sjúklinga og elda
mat i forföllum húsmæðra. Tekjur félagsins á árinu kr. 1920,06 (þar
af kr. 426,50 borgun fyrir hjúkrun, 1355,00 arður af hlutaveltu, kvöld-
slcemmtun o. s. frv., en hitt árgjöld félagskvenna og vextir af sjóði).
Gjöldin urðu kr. 1851,59 (þar af fóru 1280,00 til að launa hjúkrunar-
stúlkuna, hitt til matgjafa og glaðnings sjúklingum). Félagið hefir á-
kveðið að hætta hjúkrunarstörfum á næsta ári og stefna að því að
koma upp ungbarnahæli fyrir veikluð börn.
6. Rauðakrossdeild Akureyrar. Hefir 3 undanfarin ár starfrækt
hjálparstöð fyrir berklaveika undir umsjón Jónasar Rafnars heilsu-
hælislæknis. Haft styrk úr ríkis- og bæjarsjóði. Lærð hjúkrunarkona,
sem jafnframt hefir verið skólahjúkrunarkona við barnaskóla bæjar-
ins. Á árinu veitti hún sjúklingum hjúkrunarhjálp í 1163 skipti. Áuk
þess fór hún til eftirlits og leiðbeiningar til berklasjúklinga sérstak-
lega í 392 skipti og í 164 skipti til inæðra og barna. Enn fremur veitti