Orð og tunga - 2021, Blaðsíða 95

84 Orð og tunga
raðir með sams konar viðskeytum, þ.e. ­látlátur og ­leglegur.15 Þær
voru ekki taldar með af sömu ástæðum og nefndar voru í sambandi
við nafnorðsviðskeytin þannig að eftir stóðu 106 mögulegar raðir.
Sem dæmi um raðir sem leitað var að er hægt að taka alla tenging­
armöguleika við viðskeytið ­il. Viðskeytið myndar nafnorð og í (6)
eru sýndar mögulegar raðir með þessu viðskeyti í fyrsta sæti, þ.e.
tengingarmöguleikar við öll viðskeyti í rannsókninni sem geta tengst
nafnorðum, eða tuttugu og tvær mögulegar raðir:
(6) ­ilald, ­ilátta, ­ildómur, ­ilerni, ­ilháttur, ­ilingur, ­ilingi,
­illegur, ­illeiki, ­illingur, ­ilnaður, ­ilneskur, ­ilni, ­iló,
­ilóttur, ­ilrænn, ­ilsamur, ­ilsemi, ­ilska, ­ilskapur,
­ilugur, ­ilungur
Leitað var að þessum röðum í ÍOS og BÍN og niðurstöður skráðar
í þar til gerða töflu. Í köflum 4.3 og 4.4 verður nánar greint frá því
hvaða viðskeytaraðir fundust í gagnasöfnunum. Jafnframt var leitað
að dæmum um klofna viðskeytingu, þ.e. þar sem viðskeytaröðin er
brotin upp af eignarfallsendingum. Nánar verður greint frá niður­
stöðum þeirrar leitar í 5.4.
4.3 Viðskeyti sem mynda nafnorð og viðskeyti sem tengj­
ast nafnorðum
4.3.1 Niðurstöður leitar
Í þessum undirkafla eru sýndar niðurstöður leitar að viðskeytapörum
þar sem nafnorðsviðskeytið (N1) er parað við viðskeyti sem geta
tengst nafnorðum (N2). Í (7) eru þessi viðskeyti talin upp, þ.e. bæði
nafnorðsviðskeytin (7a) og viðskeyti sem geta tengst nafnorðum (7b):
(7) a. Nafnorðsviðskeyti: ­ald, ­an, ­andi, ­ari, ­átta, ­dómur,
­erni, ­háttur, ­heit, ­il, ­indi, ing, ­ingi, ­ingur, ­leiki,
­leikur, ­lingur, ­naður, ­ni, ­ó, ­semi, ­ska, ­skapur, ­sl,
­un, ­ungur
b. Tengjast nafnorðum: ­ald, ­átta, ­dómur, ­erni, ­háttur,
­ingur, ­ingi, ­legur, ­leiki, ­lingur, ­naður, ­neskur, ­ni,
­ó, ­óttur, ­rænn, ­samur, ­semi, ­ska, ­skapur, ­ugur,
­ungur
15 Hér nefnir ritrýnir að samtals séu 74 dæmi um ­legleg í Risamálheildinni. Við
nánari athugun reyndust þetta vera villur af einhverju tagi, sbr. stórfenglegleg og
ómannúðlegleg.
tunga_23.indb 84 16.06.2021 17:06:50