Orð og tunga - 2021, Page 144

Ágústa Þorbergsdóttir: Staða íslensku á sviði fjármála 133
íðorð. Þá kom ábending frá þátttakanda um að ekki sé æskilegt að
þýða skilgreiningar á íðorðum því að þær geti oft leitt til vandamála
og misræmis við upphaflega skilgreiningu í erlendu tungumáli og á
þetta sér í lagi við þegar innleiddar eru EES­gerðir. Einn þátttakandi
kom með skorinorða athugasemd um ástandið í íðorðamálum á sviði
fjármála: „Þetta er í ólestri“.
5 Lokaorð
Hér hefur verið gerð grein fyrir niðurstöðum rannsóknar á stöðu ís­
lensku á sviði fjármála sem gerð var sumarið 2019 þar sem spurninga­
könnun var lögð fyrir fjármálafyrirtæki og fjármálastofnanir og auk
þess til þýðingastofa sem þýða fjármálatexta.
Niðurstöður sýna að 82,6% þátttakenda í rannsókninni telja það
skipta mjög miklu eða fremur miklu máli að til séu íslensk íðorð en
skráning á íðorðum er þó áberandi lítil og aðgengi að þeim slæmt.
Viðhorf til íðorðastarfs er jákvætt sem birtist m.a. í því að meiri hluti
þátttakenda hefur áhuga á því að taka þátt í íðorðastarfi. Einnig kem­
ur fram jákvætt viðhorf til þess að nota íslensk íðorð og enginn þátt­
takandi segist vilja nota erlend íðorð fremur en íslensk. Í kafla 2.3
var fjallað um áhrif alþjóðavæðingar og fram kom að fyrir um áratug
hefðu verið umræður um að enska væri notuð sem samskiptamál í
fjármálafyrirtækjum. Niðurstöður í kafla 4.5 sýna hins vegar að ís­
lenska er aðalsamskiptamál þátttakenda og á það jafnt við um fundi,
tölvu póst, skjöl og skrár.
Samkvæmt því sem fram kemur í könnuninni þarf um helmingur
þátttakenda að leita að íslenskum fjármálaíðorðum nokkrum sinnum
í viku eða daglega. Sú staðreynd sýnir þörf á því að geta flett upp
orðunum en það er oft erfiðleikum bundið. Eins og kom fram í kafla
2.1 hafa verið gefin út íðorðasöfn og orðabækur á sviði fjármála en
niðurstöður könnunarinnar sýna ýmis vandamál og að úrbóta er
þörf. Íslenskt fjármálaumhverfi hefur breyst mikið í seinni tíð og
fjölmörg ný hugtök hafa komið með innleiðingu Evróputilskipana.
Ávallt er mikilvægt að gæta að því að uppfæra orðasöfn reglulega svo
að þau verði ekki úrelt eins og fram kemur í íðorðastaðlinum Project
management guidelines for terminology standardization (ISO 15188:2001).
Könnunin sýndi einmitt að þau orðasöfn, sem til eru á þessu sviði,
eru gömul og úrelt og að upplýsingar á vefnum um íðorð væru
misvísandi. Þátttakendur sýndu greinilegan áhuga á því að hafa
tunga_23.indb 133 16.06.2021 17:06:52