Rit Landbúnaðardeildar : A-flokkur - 01.10.1958, Blaðsíða 32

30
þau hafi verið notuð. Hins vegar sjást merki um notkun Tröllamjöls
nokkru lengur.
Þessi tilraun var framkvæmd 1956 á sama hátt og 1955 og eins og hér
hefur verið lýst. Sett var niður 4. júní og varnarlyf borið á litlu síðar.
I lok júnímánaðar var kartöflugrasið orðið töluvert vaxið og lítið bar á
arfa, en 31. júlí gerði frost, og skemmdist þá kartöflugrasið mikið og náði
sér ekki að fullu aftur og gjörféll svo 31. ágúst.
Eftir fyrri frostnóttina fór mjög að bera á arfa, og náði hann algerlega
yfirhöndinni þegar á leið ágúst og sáust þess ekki merki, að þessi varnar-
lyf hefðu nokkur áhrif í þá átt að halda arfanum í skefjum.
Ekki var tekið upp um haustið, því sama og enginn undirvöxtur
hafði átt sér stað.
3. Starfsskýrsla
a. Framkvœmdir 1955 og 1956.
Engar teljandi framkvæmdir hafa verið þessi tvö ár, nema venjulegt
viðhald bygginga, ræktunar og girðinga. Þó voru endurbættir stigar í
Gróðrarstöðinni veturinn 1956. Einnig var íbúðin niðri máluð og sett
tex innan í norðurherbergið. Þá var settur stálvaskur í eldhúsið á Há-
teigi og gerðar fleiri minniháttar lagfæringar.
b. Buið.
Kúabúið var rekið með líku sniði og í árslok 1954. í árslok 1955 voru
34 kýr, 7 vetrungar, 1 naut og 3 kálfar og 3 hestar á búinu. í árslok 1956
34 kýr, 6 vetrungar, 1 naut, 8 kálfar og 2 hestar.
Mjólkurinnlegg hjá Mjólkursamlagi K.E.A. var sem hér segir: Árið
1955 74.135 lítrar, með 273.183 fitueiningar; árið 1956: 90.185 lítrar, með
321.104 fitueiningar.
Árið 1955 voru 16 fullmjólka kýr, sem mjólkuðu 3.596 lítra með 3.89%
fitu eða 13.981 fitueiningu. Árið 1956 voru 17 fullmjólka kýr, og mjólk-
uðu þær 3.642 1 með 3.75% fitu, eða 13.662 fitueiningar.
Mjólkurhæsta kýrin í fjósinu árið 1955 var nr. 77, Lind, og mjólkaði
hún 4.319 lítra með 3.87% fitu eða 16.715 fitueiningar. Árið 1956 var nr.
86, Harpa, hæst, með 4.225 lítra af mjólk og 4.06% fitu, eða 17.154
fitueiningar.
Heyskapur var í meðallagi bæði árin og nokkrar fyrningar af heyi, sem
voru seldar bæði vorin. Gripum er nú að mestu beitt á ræktað land.