Rit Landbúnaðardeildar : A-flokkur - 01.10.1958, Side 59

57
seltu þeirri, er a£ hafi kom. Náði birki og önnur lauftré sér ekki vel eftir
það áfall.
Víðast var byrjaður sláttur um 5.—10. júlí og þá vaxið í meðallagi.
Heyskapartíð var hin bezta, er þekkzt hefur, og nýting alls staðar ágæt.
Hið sama má segja um ágústmánuð, að hey náðust jafnóðum eftir slátt.
Háarvöxtur varð minni en venjulega vegna kulda, því að hiti var oftast
nær neðan við meðallag þessa tvo mánuði, en sólfar og hægviðri bætti upp
hinn lága hita. Heldur fór illa fram í görðum og versnaði mest þegar
næturfrostið kom nóttina milli 27.-28. ágúst, en þá féll að mestu leyti
allt kartöflugras. Korn, bygg og hafrar voru nokkuð á eftir tímanum
vegna svalviðrisins og skreið ekki fyrr en 20.—25. júlí. Víðast var heyskap
lokið síðast í ágúst.
September var heldur hlýrri en í meðallagi. Úrkoman var lítil, eins og
tvo fyrri mánuði, hægviðrasamt, og einkenna þrír síðustu mánuðir sum-
arsins sig mjög hvað veðurhægð snertir, því að alltaf var hægviðri. f sept-
ember náðust kartöflur upp án teljandi vanhalda. Engra sjúkdóma varð
vart, en víða var lítil uppskera. Frostnætur voru 12.—14. september, og
féll þá að mestu allt kartöflugras. Grasfræ og korn varð að mestu full-
þroskað í mánuðinum og var upp skorið hinn 15.—25. allvel þroskað,
einkum bygg.
Sumarið í heild má teljast með þeim hagstæðustu, er komið hafa,
vegna góðrar veðráttu.
Haustið (október—nóvember). Október byrjaði með allhörðu frosti,
en þann 6. brá til óslitinnar vinda- og úrkomuveðráttu, er hélzt með
litlum úrtökum allt til áramóta. Má segja að nóvember svipaði mjög til
októbers, en var þó vindasamari og úrkoman meiri. Vegna þessa urðu öll
hauststörf erfið. Korn og fræ náðist ekki inn fyrr en í byrjun desember,
en þó allvel þurrt, þrátt fyrir snjó og regn, er á kornstökkunum buldi
alla daga.
Færi um vegi var tálmunarlítið, því að aldrei fennti svo, að færð væri
slæm, enda voru aldrei mikil frost. Haustið var töluvert fyrir ofan meðal-
lag hvað hita snertir, en þó með þeim óhagstæðari, er komið hafa. Des-
ember svipar mjög til haustsins hvað veðurlag snertir, þó að svalara sé á
köflurn. Öllu korni stöðvarinnar var bjargað í hús 2.-6. desember. Síð-
asti dagur ársins var frostlaus og hægviðri.
Árið 1956 má teljast með þeim betri fyrir landbúnaðinn. Veturinn
að mestu mildur og hagstæður til heysparnaðar beitarfénaði, enda þörf
vegna fyrra árs. Vorið var að vísu svalt, en þó hagstætt á marga lund. Sum-
arið var fremur svalt en hægviðrasamt og gjöfult á góða nýtingu heyja
og garðávaxta. Haustið var óhagstætt fyrir öll útistörf vegna veðra og úr-
komu, en var þó milt og hlýtt, og líkt má segja um síðasta mánuð ársins.