Rit Landbúnaðardeildar : A-flokkur - 01.10.1958, Qupperneq 104

102
um vorið og sumarið og léttadrengur. Þar að auki var Ólafur Jónsson
þann tíma, er hann vann við tilraunastarfsemina. Ég annast nú sjálfur
fjárhirðingu ásamt Guðmundi Guðmundssyni. Sigurður Magnússon, bú-
fræðikandidat frá Hvanneyri var hjá búinu frá 1. júní og verður til 1.
maí þ. árs, en fékk að vinna 2 mán. sl. haust hjá B. S. Austurlands við
hrútasýningar o. fl.
Ymsar upplýsingar.
26. júlí var sláttukóngur Sveins á Egilsstöðum fenginn til að heyja í
vothey. Voru heyjaðir allt að 5 ha af sáðsléttunum í Tanga. Hafðir 3 bíl-
ar til að flytja og fluttir 33 bílar og fylltar allar 3 votheysgeymslur búsins.
Má þó geta þess að í einni þeirra var gamalt vothey í botni um 10 m:!.
Geymslurýmið er fyllt var mun hafa numið um 150 m3. Heyjað var í
lotu og haldið áfram fram undir næsta morgun. Tekin voru 2 sýnishorn
af saxaða heyinu og þurrkuð í grisju. Reyndist annað hafa aðeins 18.5%
heyvigt en hitt 29.6%. Talsverður arfi var með í öðru stykkinu er heyjað
var, og mun það m. a. vera orsök hinnar lágu heyvigtar. Enda reynist
þetta hey helzt til blautt úr geymslunni í vetur, þ. e. a. s. í miðju geysml-
unnar. Súgþurrkunin var notuð á sama hátt og áður og mun kostnaður
pr. m3 heys hafa verið líkur og 1954. Blásturstími svipaður og heymagn.
Súgþurrkaða heyið er nú afbragðsgott.
Aðsókn að Minjasafni Austurlands var með mesta móti sl. sumar og
inikið um ferðafólk.
Vegna hinna miklu hita í sumar var fágætur stórvöxtur í Jökulsá í
Fljótsdal. Brauzt hún tvisvar út í áveituskurðinn ánesinu í allmiklu flóði.
Var það fyrirbyggt til bráðabirgða með timbri og sandpokum. Er mikil
nauðsyn að byggja öruggt flóðhlið. Barst mikill leir í grasið í heimatún-
inu og í skurðina, sem lægst liggja.
Mikið kal var um vorið í sáðsléttunum í Tanga, en náði sér furðu
mikið í síðari slætti og reyndar að mestu.
Fóðurtilraunir eru framkvæmdar í vetur þær sömu og sl. ár, með mis-
munandi eldi á lembdum gemlingum, samanburð á votri og þurri töðu
til fóðurs sauðfjár eingöngu og athugun um „eftirverkanir“ mismunandi
lambaeldis á ánum á 2. vetur. Ná þessar tilraunir og athuganir þannig
til um 360 fjár.
Síðastliðið haust var afkvæmasýning á 5 vetra hrút frá tilraunastöð-
inni er Fífill heitir og hlaut hann I. verðlaun fyrir afkvæmi. 1 ær var og
sýnd með afkvæmum og hlaut III. verðlaun. Hrútasýning var og í hreppn-
um og sýndir 16 hrútar frá Skriðuklaustri, þar af 7 veturgamlir. Hlutu
9 þeirra I. verðlaun þar af 5 veturgamlir hrútar.