Saga - 2013, Qupperneq 219

viðgerða. Á síðasta aðalfundi sagði ég því meðal annars: „Séu
fundar gerðir fyrri stjórna lesnar, síðasta áratug eða svo, sést að
stjórnarmenn verja miklum tíma og orku í að ræða fjárhagsstöðu
félagsins og hvernig nýta skuli húsnæði þess betur. ... Sjálfur
hneigist ég æ meir til þess að Sögufélag eigi að selja hús sitt í
Fischer sundi. Hluti ágóðans yrði þá notaður til að greiða að fullu
gamlar skuldir en annars ávaxtaður og vextir nýttir til útgáfu sem
er einmitt lögboðið hlutverk félagsins.“
Snemma á þessu ári var ljóst að bókaforlagið Sögur ætlaði ekki
að framlengja leigusamning sinn. Leit að öðrum leigjendum skilaði
ekki árangri og þar að auki var stjórn Sögufélags komin á þá skoðun
að rétt væri að athuga í fullri alvöru hvort hagstætt tilboð fengist í
húsið, yrði það sett á sölu. Sú var raunin. Í maí var húsið selt. Lauk
þá um tveggja áratuga kafla í sögu félagsins þegar það var í eigin
húsnæði. vissulega var hús Sögufélags í Fischersundi hlýlegt og
gaman að fá sér þar kaffisopa eða sitja kvöldfundi. engu að síður
var stjórn félagsins sannfærð um að hag þess væri best borgið í bráð
og lengd með sölu hússins. Færi gafst að gera upp skuldir og ein-
blína á útgáfu rita um sögu og sagnfræði, sem er einmitt meginhlut-
verk félagsins. Í Skeifunni, hjá Hinu íslenska bókmenntafélagi, er
auk þess gott að vera. Þar er rúmt um bækur og fólk og gott að vera
í líflegri miðju höfuðborgarinnar.
Fjármál og framtíð. Fjárhagsstaða Sögufélags breyttist vitaskuld
við sölu á skuldlausu húsi þess. Segja má að í stað áhyggna af fjár-
skorti velti stjórnarmenn nú vöngum yfir því hvað gera skuli við
fjármuni félagsins. engin lokaákvörðun hefur verið tekin í þeim efn-
um en að því hlýtur senn að koma. Til tals hefur komið að verja
hluta þess fjár sem Sögufélag ræður nú yfir til að láta rita sögu
félagsins. Inn í þá frásögn yrði fléttað greiningu á þróun sagnaritun-
ar og sagnfræði síðan félagið var stofnað árið 1902. Þá hefur
Sögufélag hug á að kanna vilja stjórnvalda til þess að standa að nýju
stórvirki um sögu Íslands frá upphafi til okkar daga, jafnvel með
samhliða gerð sjónvarpsþátta.
Auk þess eru nýjar bækur í vændum á næsta ári, drög hafa verið
lögð að frekari útgáfu síðar og stjórnarmenn Sögufélags taka ætíð
fagnandi hugmyndum um bókaútgáfu. Öll fræðirit sem félagið
gefur út eru ritrýnd samkvæmt eðlilegum kröfum í þeim efnum,
það hefur þaulreynda prófarkalesara og umbrotsmenn á sínum
snærum og reynir að kynna útgefin rit á almennum markaði. Stjórn
Sögu félags hefur sett sér það markmið að vera fyrsti valkostur
af aðalfundi sögufélags 2013 217
Saga haust 2013 NOTA_Saga haust 2004 - NOTA 23.6.2020 15:04 Page 217