Strandapósturinn - 01.06.2009, Qupperneq 17

15
dæmdur til að gefa öllum bjór. En það var allt í lagi því að Guð-
laug borgaði fyrir hann þar sem hún stakk upp á þessu smágríni.
En nú var það leikfimin og söngurinn eins og vant var. Ekki mátti
nú sleppa því.
Og áfram var haldið frá Bergen og stefnan tekin áleiðis til Osló-
ar. Fyrst var farið yfir hálendið og í gegnum ótal göng. Ekið í
gegnum bæ sem Tysse heitir og áfram upp á hálendið í Kvam-
skogen þar sem er mjög fallegt landslag. Næsta stopp var við
Steinsdalsfoss sem hægt var að ganga á bak við.
Því næst kom Norheimsund og Öystese og áfram með fram
Hardangerfjorden, gegnum Álvík, Granvin, Granvinfjorden og
Eidfjörd að Bruravik þar sem farið var í ferju yfir til Brimnes. Það-
an var haldið áfram yfir hálendið að Övre Eidfjorden þar sem við
buðum hópnum í mat (súpu og brauð). Þetta er fallegur staður
og þar er upplýsingamiðstöð þar sem er boðið upp á myndasýn-
ingu og fleira sem gaman er að fræðast um. Þarna fór hópurinn á
þrívíddarkvikmyndasýningu sem virkaði eins og við værum í þyrlu
sem var ótrúlega skemmtilegt og fróðlegt, þar með vorum við líka
búin að sjá allt hálendi Noregs, eða svoleiðis.
Síðan var ekið eftir Optildalin að Vöringsfoss sem er 183 m að
hæð en hæsti foss Noregs er 300 m hár. Áfram var haldið í Sys-
endalen sem er í 1000 m hæð. Í þessum dal er mjög mikið af
glæsilegum sumarhúsum og mikið útskornum. Ekið var að Smytte-
stölenvatni þar sem er stór stífla rétt við Hardanger-jökulsporð-
inn. Á leiðinni fórum við upp í allt að 1250 metra hæð en þarna
eru fjöllin allt upp í 2000 m há. Næsta stopp var í Geilo þar sem
við gistum næstsíðustu nóttina okkar. Hótelið Dr. Holms var það
allra glæsilegasta í þessari ferð þó að þau hafi verið öll mjög góð.
Dagur 8.
Nú var bara lúxus og máttum við sofa til kl. 8:00 og ekki farið af
stað fyrr en rétt fyrir kl. 10:00. Morgunverðurinn var á stóru hlað-
borði og var hinn glæsilegasti. Lagt var af stað á réttum tíma.
Morgunleikfimin og söngurinn á sínum stað. Óli bílstjóri fór í frí
einn dag en var nú sem betur fer kominn til baka.
Keyrt var um Hallingsdalen um Gol, Nesbyen, Flå, farið í dýra-
garðinn Vassfaret Björnepark þar sem við borðuðum og fengum
að sjá birni og elgi í sínu rétta umhverfi. Guðlaug sagði okkur frá