Andvari - 01.01.2019, Qupperneq 22

ANDVARI SÉRA PÉTUR SIGURGEIRSSON 21
skýringarrit yfir ýmsar bækur bæði í Gamla og Nýja testamentinu.41
Ásmundur var ólíkur samstarfsmanni sínum að því leyti að hann helg-
aði sig þrengri starfsvettvangi en Magnús. Þrátt fyrir það gegndi hann
ýmsum trúnaðarstörfum á kirkjulegum og samfélagslegum vettvangi,
ekki síst á sviði kennslumála. Þá kenndi hann um langt árabil kristin
fræði við Kennaraskóla Íslands og sat í milliþinganefnd „skólafróðra
manna“ sem undirbjó hin áhrifamiklu fræðslulög 1946 og var um
skeið formaður hennar.42
Sigurður P. Sívertsen (1868–1938) lét af störfum við guðfræðideild-
ina 1936 og losnaði þá dósentsstaðan. Fjórir sóttu um og var Sigurði
Einarssyni veitt staðan. Í kjölfarið kom til mikilla deilna sem nefndar
hafa verið dósentsmálið.43 Urðu þær til að Sigurður hvarf frá kennslu
1943 og sagði stöðunni lausri árið eftir. Kom þá aftur til deilna um
veitingu dósentsstöðunnar sem lauk með að tveir voru ráðnir, prest-
arnir Sigurbjörn Einarsson frá 1944 og Björn Magnússon (1904–
1997) frá 1945.44 Kennslugreinar Sigurðar voru einkum samstæðileg
og kennimannleg guðfræði auk þess sem hann kom nokkuð að nýja-
testamentisfræðum.45 Tók Sigurbjörn við þeim auk kennslu í trúar-
bragðafræðum.46 Var hann kennari Péturs í einn vetur. Pétur var hins
vegar útskrifaður er Björn Magnússon kom loks að deildinni.47 Í dós-
entsmálinu má tvímælalaust greina aðdraganda að viðhorfsbreytingu
í íslenskri guðfræði.48 Magnús Jónsson og Ásmundur Guðmundsson
fylgdu frjálslyndu guðfræðinni að málum. Sigurjón Árni Eyjólfsson
sem mest hefur fjallað um guðfræðisögu þessa tímabils lítur raunar
svo á að þeir hafi verið fulltrúar vandræðalegrar stöðnunar meðal
frjálslyndra guðfræðinga.49 Sigurður Einarsson varð aftur á móti fyrst-
ur manna hér fyrir áhrifum af svokallaðri díalektískri guðfræði sem
ruddi sér til rúms í kjölfar fyrri heimsstyrjaldarinnar og má ekki síst
rekja til Svisslendingsins Karls Barth (1886–1968).50 Uppgjörið við
frjálslyndu guðfræðina hélt svo áfram með Sigurbirni Einarssyni.51
Í æviminningum sínum lýsti Pétur öllum kennurum sínum við guð-
fræðideildina af vinsemd og hlýhug. Virti hann þá sem einstaklinga,
fræðimenn og kennara, en virðist ekki hafa hrifist af einum umfram
aðra.52
Pétur Sigurgeirsson útskrifaðist með embættis- eða cand. theol.-próf
í guðfræði vorið 1944 ásamt sjö öðrum stúdentum. Voru þeir allir stúd-
entar frá Menntaskólanum á Akureyri, að Pétri og Róbert John Jack
(1913–1990) undanskildum, en Róbert var Skoti og hafði lokið stúd-