Andvari - 01.01.2019, Side 37

36 HJALTI HUGASON ANDVARI
Pétur sýnilega ekki lama það félagsstarf sem fyrir var þótt það kæmi
niður á hans eigin starfsemi.
Í framhaldi af sunnudagaskólanum kom síðan æskulýðsstarf sem
Pétur þróaði upp úr fermingarfræðslu fyrsta árgangsins sem gekk
fyrir gafl undir handleiðslu hans. Í október 1947 var Æskulýðsfélag
Akureyrarkirkju stofnað. Varð starfið í kringum það til að virkja
enn fleira safnaðarfólk en það sem kom að sunnudagaskólanum með
prestinum. Leið heldur ekki á löngu áður en unglingarnir tóku sjálfir
frumkvæði í dagskrárgerðinni.135 Samkvæmt fyrstu fundargerðum fé-
lagsins og fleiri heimildum var mikið lagt upp úr virkni unglinganna
sjálfra í stjórn og á fundum félagsins.136 Var þetta nýmæli í æskulýðs-
starfi hér sem hingað til hafði almennt verið stjórnað af fullorðnum og
út frá hugmyndum þeirra um hvað börnum og unglingum væri fyrir
bestu. Vegna mikillar aðsóknar varð brátt að skipta félaginu í deildir
en mörg fermingarbörn hvers árs gengu til fylgis við það og störfuðu
sum í tvö til þrjú ár eftir fermingu.137 Fundir voru haldnir hálfsmán-
aðarlega meðan á starfstíma skóla stóð og stundum einnig á sumrin.138
Þegar nokkur festa var komin á starfið lýsti Pétur skipulagi félagsins
svo að því væri skipt í þrjár deildir eftir aldri unglinganna og væru um
50 félagar í hverri. Deildunum var svo skipt í átta kynskiptar sveit-
ir.139 Starfsemi Æskulýðsfélagsins stóð lengi með miklum blóma en
fór þverrandi á áttunda áratugnum.140
Við barna- og æskulýðsstarfið beitti Pétur ýmsum óhefðbundn-
um aðferðum. Við upphaf þess tók hann að gefa út Æskulýðsblaðið
sem börnin seldu víðs vegar um bæinn. Kom blaðið út norðanlands
á árunum 1949 til 1957 en áður hafði Sunnudagaskólablaðið komið
út fyrir jólin 1948. Árið 1958 tók Æskulýðsnefnd þjóðkirkjunnar og
síðar Æskulýðsstarf þjóðkirkjunnar við blaðinu og var það gefið út í
Reykjavík 1962–1964 en síðan aftur fyrir norðan frá 1967 til 1974 en
slitrótt eftir það. Þá gáfu einstakir félagar í æskulýðsfélaginu út önnur
tímarit, Sæhrímni (1970–1974) og Æskulýðsfélagann (um jól 1965).141
Í tengslum við æskulýðsfélagið þróaðist svo öflugt klúbbastarf. Má
þar nefna íþróttaklúbba af ýmsu tagi svo sem í handknattleik, knatt-
spyrnu, badminton og hjólreiðum.142 Mest kvað þó að kappróðri en
Pétur gekkst fyrir fjáröflun og fékk tvo kappróðrabáta, Glóa og Neista,
smíðaða eftir sérstakri teikningu í Skipasmíðastöð KEA. Gerði Pétur
þarna út á þær kjöraðstæður sem Pollurinn skapaði fyrir róðra og smá-
bátasiglingar. Stundum munu hafa verið tíu fimm manna áhafnir í