Andvari - 01.01.2019, Page 64

ANDVARI SÉRA PÉTUR SIGURGEIRSSON 63
Þannig hafði öflug kirkjuleg friðarhreyfing vaxið fram og náð að hafa
nokkur áhrif hér á landi. Árið 1983 gaf Mál og menning t.a.m. út bókina
Kirkja og kjarnorkuvígbúnaður, en samkirkjulegt friðarráð hollenskra
kirkna hafði staðið að upphaflegri útgáfu hennar.255 Hér á landi vakti
ályktun Prestafélags Vestfjarða um friðarmál ekki síst athygli en það
mótmælti m.a. byggingu ratsjárstöðvar á Vestfjörðum.256 Lýsti Pétur
biskup yfir stuðningi við ályktun þess og lagði áherslu á mikilvægi
gagnkvæmrar afvopnunar risaveldanna.257 Árið eftir leiðtogafundinn
í Höfða 1986 var þessari vá bægt frá um stundarsakir með samningi
stórveldanna og í kjölfarið fjaraði kalda stríðið út. Þegar þessi grein
er rituð eru blikur á lofti einmitt í þessu efni, sökum þess að forsetar
Bandaríkjanna og Rússlands hyggjast nú binda enda á samninginn.
Pétur Sigurgeirsson kvaddi til fyrstu prestastefnunnar í biskupstíð
sinni í júnímánuði 1982 heima á Hólum. Sú staðsetning hefur ekki
verið tilviljun þar sem Pétur hafði fram að því er hann tók við bisk-
upsembættinu þjónað Hólabiskupsdæmi hinu forna sem prestur og
síðar vígslubiskup. Þrátt fyrir að Hólar væru ekki biskupssetur á þess-
um tíma var staðurinn táknræn, kirkjuleg þungamiðja á Norðurlandi.
Prestastefnan var fjölmenn en hana sótti á annað hundrað presta. Við
þetta tækifæri vígði Pétur eftirmann sinn í embætti vígslubiskups,
Sigurð Guðmundsson á Grenjaðarstað. Þótti stefnan takast hið besta
og lauk henni með ferð í Drangey og var haft á orði að þangað hefði
ekki komið biskup síðan í tíð Guðmundar góða (um 1200) en í þessari
ferð voru þeir tveir!258
Friðarmálin voru helsta dagskrárefni stefnunnar, sem sýnir að þau
voru Pétri hugstæð þegar í öndverðri biskupstíð hans. Þar kann þó að
hafa valdið nokkru að á fundi framkvæmdanefndar Lútherska heims-
sambandsins skömmu áður höfðu friðarmál verið tekin á dagskrá á
síðustu stundu og samþykkt áskorun til allra aðildarkirkna sambands-
ins að þær beittu sér af öllu afli fyrir afvopnun og friði.259 Um friðar-
málin fórust Pétri svo orð á stefnunni:
Hér sem áður liggur vegur okkar saman á Prestastefnu til þess að uppbyggjast
í lifandi trú og takast á við verkefni líðandi stundar. Þá er gott og gagnlegt að
líta til baka, leita áttanna og taka mið inn til hins nýja tíma.
Þetta gildir ekki hvað síst um okkur, sem byggjum á grunni, sem lagður var
og enginn getur annan grundvöll lagt, sem er Jesús Kristur.
Að fortíð skal hyggja ef frumlegt skal byggja,
án fræðslu þess liðna sést ei hvað er nýtt.