Andvari - 01.01.2019, Page 66

ANDVARI SÉRA PÉTUR SIGURGEIRSSON 65
Í dag er kirkjan að sameina krafta sína til hjálpar hinum hungruðu og nauð-
stöddu í heiminum, og gengur þar einnig fram fyrir skjöldu. […] Sannleikurinn
er sá, að heimurinn hefur annað að gera en lækna sár og þerra tár og kveikja
ljós vonarinnar. En það er og verður hlutverk kirkjunnar hvernig sem á móti
blæs.263
Pétur beitti sér þráfaldlega í friðarmálum eftir þetta. Hann tengdi þau
t.a.m. mjög inn í umræðuna um væntanleg hátíðarhöld í tilefni af þús-
und ára kristni í landinu, en hann taldi kristnitökuna dæmi um hvern-
ig alvarlegt deilumál hafi verið leyst á friðsamlegan hátt.264 Þá helgaði
hann málefninu heilan kafla í hirðisbréfi sínu og ritaði þar m.a.:
Misréttið í heiminum er gífurlegt og sjálfsögðustu mannréttindi fótum troðin.
Menn eru beittir miskunnarlausu ofbeldi og kúgun. Friður verður aldrei, ef
réttlæti er ekki í heiðri haft, þar sem menn njóta réttar síns og hafa sem jafn-
asta aðstöðu til gæða lífsins. Því er það frumskilyrði friðar að réttlæti ríki.265
Í predikun sinni við samkirkjulegu hátíðarguðsþjónustuna á Þing völlum
í tilefni af komu Jóhannesar Páls II. páfa 1989 undir lok biskupstíðar
Péturs sagði hann:
Er hægt að finna leið til þess að firra heiminn áþján styrjalda og útrýmingar-
hættu?
Ein leið er til. Það er sá friður, sem kemur að innan frá hjarta mannsins.
Sá friður er árangur, ávinningur fagnaðarerindisins, sem forðum var rist í
fáein hjörtu fiskimanna og á enn ófarna leið til alls mannkyns, og hverrar
nýrrar kynslóðar. Þar af má sjá hver köllun kirkjunnar er um víða veröld!
Tilskipun Drottins kemur nú boðleið frá hinum fyrstu vottum í hjörtu okkar á
Þingvöllum og fer áfram um heiminn og þessir vellir og þessi hamrabelti eru
heilagt musteri til bæna um frið á jörðu fyrir allar þjóðir.266
Þessi orð enduróma hugmyndir Péturs um að „fyrirbænarstaður friðar
á jörðu“ yrði reistur á Þingvöllum í tilefni af þúsund ára kristni í land-
inu. Loks sýndi það hug Péturs til baráttunnar fyrir friði að hann beitti
sér mjög fyrir hreyfingunni friðarjólum og hvatti fólk til að taka þátt
í henni (sjá framar).