Andvari - 01.01.2019, Page 68

ANDVARI SÉRA PÉTUR SIGURGEIRSSON 67
prestsmakans. Loks hafa embættisstörf presta í þéttbýli að mestu flust
út af heimilum prestanna yfir í kirkjur eða safnaðarheimili. Nú greina
prestsheimili sig tæpast frá öðrum heimilum nema þá í hreinum sveita-
prestaköllum. Öðru sem Pétur nefndi í hugleiðingu sinni um prests-
makann þyrfti að breyta með bættu skipulagi kirkjulegrar þjónustu.
Til dæmis þarf að koma í veg fyrir að litið sé svo á að presturinn „sé
alltaf á vakt“. Allir þurfa að finna mörk vinnu og frítíma. Umfram allt
varpa orðin ljósi á að starfsumhverfi presta var annað um daga Péturs
en nú gerist a.m.k. í þéttbýli og þau Sólveig urðu að svara öðrum og
meiri væntingum en fólk í sömu stöðu nú á dögum.
Pétri og Sólveigu varð fjögurra barna auðið. Pétur fæddist 1950.
Hann er doktor bæði í félagsfræði og guðfræði og prófessor í kenni-
mannlegri guðfræði við guðfræði- og trúarbragaðfræðideild Háskóla
Íslands. Guðrún fæddist 1951. Hún var flugfreyja og lagði einnig um
skeið stund á guðfræðinám. Hún lést 1986. Kristín fæddist 1952, er
menntaður hússtjórnarkennari. Yngst er Sólveig, fædd 1953. Hún er
sálfræðimenntuð og starfar sem ráðgjafi. Afkomendur þeirra hjóna
eru nú orðnir tuttugu og tveir.270
Þegar Akureyri varð tvímenningsprestakall vantaði nýjan prests-
bústað. KEA eða Kaupfélag Eyfirðinga var þá stórveldi á Akureyri en
blómatími þess stóð frá lokum fyrri heimsstyrjaldarinnar fram undir
1990.271 Það gegndi lykilhlutverki í verslun á Eyjafjarðarsvæðinu. Þá
voru flestar nauðsynjar bæjarbúa framleiddar í verksmiðjum þess auk
þess sem teppi, fatnaður og skótau var flutt út og þá ekki síst austur
fyrir járntjald. Hafa bæjarbúar jafnvel haft á orði að merki kaupfélags-
ins hafði aðeins vantað á kirkjuna sem gnæfir yfir Kaupfélagshornið
og Kaupfélagsgilið — nú Listagilið — í miðbænum. Í æviminningum
Péturs kemur fram að KEA kom þó einnig við sögu innan hins andlega
„regimentis“, svo tekið sé tilefni af hinni kunnu tveggja ríkja-kenn-
ingu sem kennd er við siðbótarmanninn Lúther. Jakob Frímannsson
(1899–1995) kaupfélagsstjóri var í sóknarnefndinni og var einmitt
fyrsti maðurinn sem Pétur setti sig í samband við er hann undirbjó
fyrstu guðsþjónustu sína fyrir norðan. Fyrstu vikurnar í starfi var að-
setur hins nývígða prests svo á Hótel KEA uns annað húsnæði bauðst.
Svo tók KEA frumkvæðið að því að reisa glæsilegan prestsbústað við
Hamarstíg. Var húsið þá í útjaðri byggðar á Ytri-Brekkunni en telst nú
miðsvæðis í bænum. Þótti húsið bæjarprýði og gátu sumir sér til að