Gátt - 2009, Qupperneq 11

11
F A S T I R L I Ð I R
G Á T T – Á R S R I T – 2 0 0 9
Rannsókn á tveimur námsleiðum
Á árinu hófst undirbúningur að rannsókn á þeim tveimur
námsleiðum sem FA hefur gefið út fyrir fólk með lestrar- og
skriftarerfiðleika. Bakhópur hefur verið að störfum við að skil-
greina spurningar til þátttakenda. Í bakhópnum eru fulltrúar
samstarfsaðilanna en verkefnið hlaut styrk frá Starfsmennta-
ráði. Samstarfsaðilar eru Félag lesblindra, Mímir-símenntun
og Kvasir. Óskað var tilboða í framkvæmd rannsóknarinnar
og var tekið tilboði frá Kná með Þóru Ásgeirsdóttur sem
ábyrgðarmann. Hún gerir grein fyrir niðurstöðum í grein í
þessari Gátt.
Gæði náms
FA lauk vinnu í evrópska samstarfsverkefninu RECALL á
árinu. FA tók við þessu verkefni þegar starfsemi Menntar var
lögð niður. Verkefnið er umfangsmikið með þátttakendur
frá níu löndum. Lokaafurðir verkefnisins liggja fyrir en þær
leggja grunn að kerfi til vottunar fræðsluaðila. Verkefnið
hefur verið kynnt hagsmunaaðilum og gæti nýst sem vott-
unarkerfi í tengslum við lög um framhaldsfræðslu.
EQM er afurð RECALL en EQM er gegnsætt matsferli fyrir
fræðsluaðila til að meta starfshætti sína út frá viðurkenndum
gæðaviðmiðum. EQM er hannað til að mæta kröfum um
gagnsemi náms og sameiginleg gæðaviðmið fyrir fræðslu-
aðila utan hins formlega skólakerfis. EQM byggist á árlegu
sjálfsmati sem er yfirfarið af viðurkenndum matsaðila. Mats-
aðili er einnig til ráðgjafar um gæðamál meðan á matsferlinu
stendur. Fræðsluaðilar, sem uppfylla gæðaviðmið sem sett
eru fram í EQM-matseyðublöðunum, fá að auglýsa fræðslu-
starfsemi sína með sérstöku gæðamerki. FA sá um gerð vef-
síðu verkefnisins og sér um hana til ársins 2011.
Námsnetið
Í september 2008 hóf FA að greiða mánaðarlega leigu fyrir
afnot og viðhald Námsnets Stúdía auk hýsingar kerfisins og
vistunar gagna. Námsnetið felur í sér umsóknarkerfi, sam-
skiptakerfi leiðbeinenda og námsmanna, nemendabókhald,
skipulag og bókhald fyrir námskeiðahald og fjármálabókhald.
Einnig bókhald fyrir náms- og starfsráðgjöf, skýrslusmíð fyrir
skýrslur til FA auk námsferilsskráningar. Enn er unnið að því
að laga og þróa einstaka þætti Námsnetsins að starfsemi
símenntunarmiðstöðva og FA.
Námsferilsskrár
Markmið með uppbyggingu námsferilsskráa er að finna
auðvelda leið til að halda utan um námsferil einstaklinga í
formlegu og óformlegu námi, jafnframt því að halda utan
um raunfærnimat einstaklinga, jafngildingu mats miðað við
formlegt nám, staðfesta færni á vinnumarkaði og hugsanlega
einnig aðra færni sem hvorki hefur verið metin né staðfest.
Frágangi námsferilsskráningar í Námsnetinu er ekki
lokið, meðal annars vegna þess að Skinna, nýr gagnagrunnur
menntamálaráðuneytisins, er fyrst núna tilbúinn fyrir sam-
skipti við námsferilsskrá Námsnetsins.
Náms- og starfsráðgjafar geta notað nemendabókhaldið
til að halda utan um starf sitt með ráðþegum.
Þróun mats á raunfærni
Þrátt fyrir stutta sögu virðist ríkja að mestu sátt um fram-
kvæmd og aðferðafræði sem notuð er við raunfærnimat.
Samstarf og samræður hafa verið lykillinn að þessum árangri
auk þess sem fjármagni hefur verið stýrt með þeim hætti að
það gerir kröfu um samstarf milli formlega skólakerfisins og
símenntunarmiðstöðva.
Það er eðlilegt að tortryggni sé til staðar þegar nýjar
leiðir eru farnar. Mikilvægi þess að allir hagsmunaaðilar hafi
möguleika að koma skoðunum sínum að og þær fái vandaða
umfjöllum hefur orðið ljósari. Sífellt meiri þekking byggist upp
og betur kemur í ljós hversu samstarf og góð verkefnastýr-
ing eru mikilvægir þættir í ferlinu. Einnig hefur það sýnt sig
að eftirfylgni við einstaklinga, sem hafa lokið raunfærnimati,
eykur verulega líkur á námi að loknu mati. Gleðileg dæmi um
það eru að skólar hafa í auknum mæli búið til eða aðlagað
námsúrræði fyrir hópa sem lokið hafa raunfærnimati.
Við vinnu vegna raunfærni hefur FA haft að leiðarljósi:
Að skapa sátt um framkvæmd milli hagsmunaaðila. •
Að tryggja faglega framkvæmd en halda kostnaði í •
lágmarki.
Að þekking, sem metin er með raunfærnimati, hafi sama •
vægi og þekking sem aflað er innan skólakerfisins.