Gátt - 2009, Síða 93

93
A F S J Ó N A R H Ó L I
G Á T T – Á R S R I T – 2 0 0 9
F R Æ Ð S L U M Á L Í H Ú S A S M I Ð J U N N I
ELÍN HLÍF HELGADÓTTIR
H Ú S A S M I Ð J A N
Húsasmiðjan hf. er stærsti söluaðili byggingarvara á Íslandi
og í hópi stærstu fyrirtækja landsins. Húsasmiðjan rekur 19
verslanir á landsvísu. Hjá Húsasmiðjunni starfa að jafnaði um
610 manns á öllum aldri. Fyrirtækið leggur mikla áherslu á
að starfsmenn eigi þess kost að vaxa og dafna í starfi og
rekur í því skyni m.a. sérstakan skóla, Húsasmiðjuskólann.
H Ú S A S M I Ð J U S K Ó L I N N
Húsasmiðjan leggur mikið upp úr samhentum hópi hæfi-
leikaríks starfsfólks og hefur fyrirtækið það að markmiði
að hlúa sem best að þjálfun starfsmanna sinna til að þeir
séu sem best undir það búnir að sinna sínu starfi af metn-
aði og kostgæfni. Starf Húsasmiðjuskólans tekur alltaf mið
af áherslu fyrirtækisins á hverjum tíma og er starfi skólans
skipt upp í tvö tímabil, vorönn og haustönn. Vorönnin nær
yfir tímabilið janúar til júní og haustönnin nær yfir tímabilið
september til desember. Kennarar skólans eru einkum starfs-
menn fyrirtækisins sem búa yfir mikilli starfsreynslu og þekk-
ingu auk þess sem skólinn fær til sín sérfræðinga á ýmsum
sviðum s.s. sölu, þjónustu, sjálfsstyrkingu og tölvukennslu.
Þá kenna birgjar fyrirtækisins, erlendir og innlendir, alltaf
nokkur námskeið á hverri önn.
Tvisvar á ári er fræðsluþörf starfsmanna könnuð bæði
meðal starfsmanna og stjórnenda. Hver starfsmaður fær í
hendur eyðublað þar sem talin eru upp helstu námskeið og
hver starfsmaður merkir við þau námskeið sem hann hefur
hug á að sækja. Auk þess getur hver og einn komið fram með
óskir um ný námskeið. Þá er rætt við stjórnendur til að meta
áherslur fyrirtækisins hverju sinni. Niðurstaða þessarar könn-
unar er notuð til hliðsjónar þegar námskeið eru skipulögð og
í framhaldinu gefin út fræðsludagskrá með upplýsingum um
þau námskeið sem boðið verður upp á. Fræðsludagskránni
er dreift á prenti til allra starfsmanna auk þess sem finna má
á innra neti fyrirtækisins upplýsingar um námskeið sem eru í
boði og fer öll skráning fram rafrænt í gegnum netið. Þá eru á
innra neti fyrirtækisins öll kennslugögn þannig að starfsmenn
geta nálgast öll þau gögn sem þeir þurfa á að halda þegar
þeim hentar. Þjálfun og fræðsla starfsmanna fer að stærstum
hluta fram í Húsasmiðjuskólanum
en starfsmenn sækja einnig nám-
skeið utan fyrirtækisins sem haldin
eru á vegum ýmissa skóla, stofnana
og félagasamtaka. Þá er algengt
að starfsmenn, sem búa yfir mikilli
þekkingu, fari á milli verslana og
kenni hverjum og einum það sem
hann þarf á að halda.
Í fræðsludagskrá hverrar annar
er að finna um 40 námskeið sem
skiptast í 9 flokka. Í boði eru bæði
fagnámskeið, námskeið í vinnu-
reglum fyrirtækisins, námskeið í
ferlum og kerfum, nýliðanámskeið, verkleg námskeið og
almenn námskeið sem auka persónulega færni. Meðal nám-
skeiða, sem boðið er upp á, má nefna sölu- og þjónustunám-
skeið, stjórnendanámskeið, vöruframsetningarnámskeið,
vöruþekkingarnámskeið, vörustjórnunarnámskeið, örygg-
isnámskeið auk ýmissa tölvunámskeiða sem tengjast vinnu
starfsmanna: námskeið í Word, Excel, tölvupósti, interneti
og PowerPoint. Húsasmiðjuskólinn býður þar að auki upp á
námskeið í markaðsfræði, skyndihjálp, sjálfstyrkingu o.m.fl.
Áhersla er lögð á að aðkeypt námskeið séu sérsniðin að
þörfum Húsasmiðjunnar og hefur Húsasmiðjan átt mjög gott
samstarf við marga fagaðila, s.s Þekkingarmiðlun og Dale
Carnegie með góðum árangri. Á hverju ári sækja um 700
manns námskeið á vegum Húsasmiðjuskólans.
F R Æ Ð S L U S T A R F Í H Ú S A S M I Ð J U N N I
Tilgangur fræðslustarfsins er að veita starfsmönnum Húsa-
smiðjunnar og tengdra fyrirtækja nauðsynlega þjálfun svo
að þeir geti leyst störf sín vel af hendi. Fræðslustarfið bygg-
ist á þörfum fyrirtækisins og starfsfólks hverju sinni og skal
fræðsludagskráin endurspegla markmið þess á hverjum tíma
en jafnframt skal tekið tillit til þarfa og óska starfsfólks.
Vegna reksturs og starfsemi Húsasmiðjuskólans hefur
Húsasmiðjan fengið lækkun á iðgjöldum í sjóð verslunar- og
skrifstofufólks. Öll fyrirtæki, sem sýna fram á virkt fræðslu-
starf, geta sótt um þessa lækkun. Kennarar skólans eru flestir
Elín Hlíf Helgadóttir