Læknaneminn - 01.10.1995, Blaðsíða 16

GÁTTATIF
á hjartslætti sem leiðir til yfirliðs. í gáttum fólks
með gáttatif geta myndast blóðsegar sem geta
rekið til annarra líffæra (blóðrek). Þegar gáttir
leggja ekki lengur til neinn samdrátt í útfalli
hjartans (cardiac output) getur það leitt til þreytu.
Súklingarnir finna einnig fyrir hjartsláttarónotum
(palpitationum) sem geta leitt til kvíða9’12.
Eins og áður sagði hefur verið talið að gáttatif
væru óreglulegir samdrættir í gáttum en nýlegar
raflífeðlisfræðilegar rannsóknir benda til þess að
e.t.v. geti stundum verið einhver regla á
samdættinum. Einnig hafa rannsóknir sýnt að í
gáttatifi heldur sínus hnúturinn áfram að slá í
sínustakti en ekki er ennþá vitað hvaða klínískt
gildi þessar upplýsingar eiga eftir að hafa í
framtíðinni6.
GREINING.
Einkenni: Sumir hafa engin einkenni en aðrir
einkenni bráðrar hjartabilunar (mæði, þrekleysi,
bjúgur, lungnabjúgur) og benda þau í mörgum
tilvikum á annan sjúkdóm sem er þá stundum
undirliggjandi orsök gáttatifsins15 (sjá síðar).
Sjúklingarnir finna fyrir hjartsláttarónotum
(palpitationum). Auk þess geta sjúklingar með
gáttatif komið fyrst til læknis með einkenni
heilablóðfalls og fara einkennin þá eftir
staðsetningu blóðtappans (brottfall, meðvitundar-
skerðing o.s.frv.).
Skoðun: Við hlustun heyrist S1 sem er
breytilegur í styrk (vegna breytilegrar stöðu
mítur- og þríblöðkuloku), a-bylgjur í venupúlsi
vantar, og sleglataktur er óreglulega óreglulegur.
Ef sleglataktur er hraður heyrist eða þreifast oft
Mynd 1. Myndin sýnir EKG nokkura sjúklinga með gáttatif og eðlilegan sínustakt eftir rafvendingu eða
lyfjameðferð; a. 54 ára karlmaður sem breytti yfir í sínustakt á lyfjameðferð, b. 40 ára og c. 48 ára karlmenn
sem fóru í sínustakt við rafvendingu.
12
LÆKNANEMINN 2. tbl. 1995 48. árg.