Læknaneminn - 01.10.1995, Blaðsíða 90

STÚDENTASKIPTI
hreyfanleika sáðfruma með notkun pent-
oxyphyllins. Auk þess vantaði eiginlega alveg
tíma til þess að skipta ráðstefnunni niður í
vinnuhópa sem gætu skilað einhverjum
niðurstöðum og því varð ráðstefnan meira eins
og fyrirlestraröð.
LOKAORÐ.
Starfið sem unnið er á vegum IFMSA er
fjöibreytt. Ef fólk vill starfa á vegum samtakanna
bjóðast hefðbundin stúdentaskipti, rannsóknar-
verkefni, kennslumálastarf, alnæmisfræðsla,
vinna við flestar gerðir af þróunaraðstoð og
hjálparstarf. Mikið er um áhugaverða sumar-
skóla víða um heim og síðast en ekki síst ber að
telja IFMSA-þingin sem mikil lífsreynsla er að
sækja. íslenskir læknanemar hafa hingað til ekki
tekið þátt í öllu því starfi sem unnið er á vegum
samtakanna. Það væri því æskilegt að fá fleiri til
liðs við nefndina til að vinna að ýmsum áhuga-
verðum verkefnum.
Kostnaður við ferðalög er umtalsverður fyrir
einangraða íslendinga. Það er þó fátt sem er litlu
landi norður í úthöfum nauðsynlegra en að halda
sambandi við umheiminn og fylgjast með því
sem þar er að gerast. Því þyrftum við að tjölga
frekar en fækka fulltrúum íslands á slíkum
þingum til þess að við getum betur tekið þátt í
þvi starfi sem unnið er um allan heim á vegum
IFMSA
í ágúst á næsta ári verður haldið 45. alls-
herjarþing IFMSA í hinni dásamlegu borg, Prag í
Tékklandi. Að öllum líkindum verður haldin
ráðstefna fyrir þingið eins og venjulega og eftir
þingið verður boðið upp á skipulagðar nokkra
daga ferðir um Tékkland. Ef íslenskir lækna-
nemar hafa áhuga þá má benda á að þingið er
öllum opið. Sem dæmi má nefna að í Barcelona
var 47 manna sendinefnd frá Brasilíu og tóku
fæstir þeirra virkan þátt í þingstöfum. Á þingum
sem þessum koma saman um 300 læknanemar
frá öllum heimshornum og bjóðast því ómetanleg
tækifæri til þess að hitta fólk. Mjög æskilegt væri
að íslenska sendinefndin væri stærri til þess að
geta betur tekið þátt í störfum allra nefndanna.
Því vil ég hér með hvetja læknanema til þess að
íhuga þann möguleika þegar sumarfríið ‘96 er
skipulagt að fara á allsherjarþing IFMSA, í ágúst,
í Prag
Að lokum vill stúdentaskiptanefndin nota
tækifærið til þess, enn og aftur, að hvetja lækna-
nema til þess skoða þá möguleika sem við höfum
upp á að bjóða. Undanfarin ár hafa það verið um
15-20 íslenskir læknanemar senr hafa farið
erlendis í stúdentaskipti á vegum IFMSA. Ég
held ég geti fullyrt að nánast enginn þeirra hafi
séð eftir þeirri ákvörðun. Við búum í litlu og
einangruðu Iandi og það er öllum hollt að halda
til útlanda. Það er einnig merkilegt að kynnast
læknanemum frá framandi löndum og finna hvað
við eigum margt sameiginlegt, þrátt fyrir ólíka
menningu.
Starfið sem unnið er á vegum IFMSA er
gríðarleg umfangsmikið. Samtökin vinna
ómetanlegt starf í þágu allra læknanema heimsins
auk þess sem reynt er að skipuleggja fjöl-
breytilega baráttu læknanema fyrir bættum
heimi. Ef einhverjir hafa áhuga á að kynna sér
frekar starfsemi IFMSA þá hefur stúdenta-
skiptanefnd undir höndum miklar upplýsingar
um það sem fram fer á vegum samtakanna.
Nefndin fær sendar reglulega upplýsingar um
það sem er að gerast, með hefðbundnum pósti,
tölvudisklingum, símbréfum og tölvupósti. Þeir
sem hafa áhuga á að kynna sér starfsemina frekar
eða taka þátt í henni er bent á að athuga möppu
sem komið verður fyrir á kaffistofu læknanema
í Læknagarði. I framtíðinni verða settar í hana
upplýsingar og fréttir um IFSMA og starfsemi
þess. Þeim, sem leiðist að blaða í gegnum þykkar
skýrslur, er bent á þann möguleika að hafa
samband við stúdentaskiptanefndina sem fylgist
með því sem gerist í samtökunum og ætti að geta
miðlað upplýsingum um það sem er að gerast.
80
LÆKNANEMINN 2. tbl. 1995 48. árg.