Úrval - 01.06.1966, Blaðsíða 122

120
ÚRVAL
hafði móttekið þessa orðsendingu,
gaf hann tafarlaust út skipun um,
að skothríðinni skydi hætt. Síðar
sama morgun var tilkynnt í kraft-
miklum hátölurum um gervalla
borgina, að bardögunum væri lok-
ið. Að vísu hélt áfram skothríð á
stangli hér og þar dögum saman,
en samt var orrustunni um Berlín
nú opinberlega lokið, og fólk, sem
hætti sér út á Köningsplatz þennan
morgun, sá rauða fánann blakta yf-
ir Ríkisþinghúsinu.
Rússarnir vissu að vísu, að For-
ingjabyrgið var einhvers staðar und-
ir Ríkiskanslarahöllinni, en samt tók
það þá nokkra klukkutíma að finna
það. Þegar þeir komust loks niður
í það, fundu þeir fyrst lík þeirra
Burgdorf hershöfðingja, sem hafði
verið náinn aðstoðarmaður Hitlers,
og Krebs hershöfðingja. Þeir sátu
enn við borð á breiðum ganginum,
sem hafði einnig verið notaður sem
setustofa. Á borðinu var allt fullt
af glösum og flöskum í megnustu
óreiðu. Þeir höfðu báðir skotið sig.
Boris Polevoi majór, sem var í ein-
um fyrsta leitarflokknum, sem fór
niður í byrgið, rakst svo á lík Göbb-
els og fjölskyldu hans.
Hópur sérstakra sérfræðinga, sem
þátt tók í leitinni, fann leifarnar af
líki Hitlers næstum tafarlaust,
huldar þunnu jarðvegslagi. Telpu-
chovskii hershöfðingi, sem er
rússneskur sagnfræðingur, var viss
um, að þar væri um að ræða lík
Foringjans. „Líkið var illa brunnið“,
sagði hann. „En höfuðið var að
mestu í heilu lagi, þótt kúlan hefði
molað það. Tennurnar höfðu losnað
og lágu við hliðina á höfðinu.
Skömmu síðar urðu menn ekki
eins vissir í sinni sök. Tvö önnur
lík, sem báru ýmis svipeinkenni
Hitlers, fundust einnig. Þegar starfs-
fólk Hitlers var beðið um að skoða
líkin og segja til um, hvort þau
væru af Hitler eða ekki, vildi það
annaðhvort ekki segja til um það
eða var ekki fært um að gera það.
Nokkrum dögum síðar skipaði Soko-
lovskii hershöfðingi svo fyrir, að
tennur líkanna skyldu skoðaðar og
bornar saman við tannkort Hitlers.
Hafin var leit að þeim Káthe Heus-
ermann og Fritz Echtmann, sem
höfðu bæði unnið fyrir Blashcke,
tannlækni Hitlers, og fundust þau.
Káthe var sýndur allur neðri
kjálkinn og tannbrýr úr líki því,
sem hafði fundizt rétt við inngang
byrgisins og var álitið vera af Hitl-
er, og kannaðist hún strax við hvort
tveggja og sagðist vera viss um, að
þar væri um lík Hitlers að ræða.
Það var auðvelt að þekkja viðgerð-
irnar, sem þau Káthe Heusermann
og Blaschke höfðu framkvæmt fyr-
ir nokkrum mánuðum. Það virðist
hafa verið afleiðingar af þessari
skoðun hennar, að hún varð að
eyða næstu 11 árum ævi sinnar í
sovézku fangelsi, mestallan tímann
í einangruðum einmenningsklefa.
Hvað varð svo um leifarnar af
líki Hitlers? Rússar segjast hafa
brennt þær rétt utan við Berlín, en
þeir vilja ekki segja, hvar brennslan
fór fram. Þeir segjast aldrei hafa
fundið leifarnar af líki Evu Braun
og halda því fram, að það hljóti að
hafa eyðzt algerlega í eldinum og
að þekkjanlegir hlutar þess hljóti