Fróðskaparrit - 01.01.1989, Page 134

138
FØROYSK KLÆÐIR
Lorvís Páll verður sagt: „Morreyðar kubbar
á skøvning dregur, /spunnar úr tveimum
tráðum“, og um Jákup á Møn: „Bláa
troyggju fór hann í, /muffur fram yvir fingr-
ar“. Tá ið J. P. Gregoriussen yrkir „Gentu-
kæti“ síðst í 19. øld, er hetta helst við at fara
av móta, ella í minsta lagi hildið at vera
„bygdarligt“ eftir yrkingini at døma. „A
landsbygd har brúka teir kubbarnar enn, /í
Havn ganga ungligar klæddir sum menn, /við
hvítum mansjettum og gullknøppum í, /á
landsbygd, á landsbygd, á fý, á fý, á fý.“
Fornminnissavnið eigur vakrar frynsa-
muffur, ljósar, broderaðar við reyðum og
svørtum. Fornminnissavnið eigur eisini eina
mynd av ungum manni við frynsamuffum,
tikna síðst í tríatiárinum. I dag finst neyvan
nakar, ið brúkar frynsamuffur ella kubbar til
stás.
Tumlahandskar
H.M. Debes skrivar: „Til tann rætta før-
oyska búnan hoyrdu tumlahandskar. Teir
vóru bundnir einkulpatent úr bummullar-
garni og bundnir beint upp og niður - óav-
tiknir - frá alboganum og oman á knúgv-
arnar og við tumli á.“ Jóhanna M. Skylv
Hansen skrivar um nankingshandskar.
Hvørki teirra sigur, nær hetta hevur verið
brúkt, ella nær hildið verður uppat at brúka
handskar.
Fornminnissavnið eigur fleiri pør av long-
um hvítum handskum, bundnum úr bumm-
ullargarni. Hesir eru innkomnir í fyrstu inn-
savningartíðini ymsastaðni frá. Tíverri er ov
lítil frágreiðing um handskarnar.
Silvur ella stakkastá
Lucas Debes skrivar um gylta brosju við
leyshangandi bløðum; brosjan er fýrkantað
sum ein rútari. J.Chr. Svabo og J. Landt
skriva um somu brosju, harumframt um silv-
urmallur, áseymað belti við silvurkúlum og
silvurspenni. C.J. Graba sigur frá tinringum
(mallum). H.J.J. Sørensen nevnir hvørki
silvur ella stakkastás. H.M. Debes sigur frá
stakkastási úr reyðargulli uml. 300 ára goml-
um og annars frá silvurbelti, mallum og
stakkanál.
Fornminnissavnið eigur stakkastás frá
uml. 1720, bæði brosju og belti.
Við silvuri eins og teimum føroysku klæð-
unum sum heild hava ongar ávísar rammur
verið sum til dømis í Noregi, har brosjan
hevur navn eftir búnanum. Prýðislutir úr
silvuri, annaðhvørt tað eru knappar, brosja,
mallur, spenni ella belti, hava ofta verið
keypt í útlondum. Ur Noregi kom sólju-