Árbók Hins íslenzka fornleifafélags - 01.01.1971, Side 139

SKÝRSLA UM ÞJÓÐMINJASAFNIÐ 1970
139
kennsla í þjóðfræðum verði bráðlega tekin upp við Háskóla Islands,
og yrði hún að sjálfsögðu í nánu sambandi við Þjóðminjasafnið og
Handritastofnunina.“
Safnið tilnefndi Gísla Gestsson safnvörð í Þjórsárdalsnefnd, sem
komið var á laggirnar á árinu að tilhlutan Landsvirkjunar. Er henni
ætlað að vera til leiðbeiningar um umferð manna og mannvirkja-
gerð í sambandi við hana í dalnum og eiga þeir aðilar, sem hagsmuna
eiga að gæta þar, aðild að nefndinni. Hélt hún nokkra fundi þar
eystra á árinu.
IJNESCO, Menningar- og fræðslustofnun Sameinuðu þjóðanna,
veitti safninu styrk eins og árið áður til að kosta dvöl erlends sér-
fræðings í forvörzlu (conservation) í mánaðartíma á safninu. Dvald-
ist ungfrú Elizabeth Dowman frá Lundúnum við safnið frá 15. sept.
til 15. okt. og veitti ýmsum safnmunum nauðsynlega aðgerð. Ber
þar einkum að nefna, að hún setti saman og styrkti stærstu fjölina
frá Bjarnastaðahlíð með hinni þekktu dómsdagsmynd frá 11. öld, en
fjalirnar eru mjög illa farnar af fúa og afar brothættar. Þá hreinsaði
hún og styrkti ýmsa hluti úr bronsi og kopar, einkum jarðfundna
hluti frá fornöld og miðöldum, sem tæring var í. Undir hennar leið-
sögn var einnig hreinsaður smeltur kross með Limoges-verki, frá
upphafi 13. aldar.
Það var safninu mjög mikilsvert að verða aðnjótandi vinnu frk.
Dowman, en eins og fyrr hefur verið getið í skýrslu er orðið mjög
brýnt fyrir safnið að fá sem fyrst fastráðinn alhliða forvörð.
Fyrir velvild þjóðskjalavarðar gerði frú Vigdís Björnsdóttir við
f jögur 18. aldar handritsblöð með þjóðlífsmyndum, Þjms. 6853, styrkti
þau og setti upp á stinnan pappír. Hefur frú Vigdís áður hlaupið
þannig undir bagga fyrir safnið, enda er viðgerðarstofa Landsbóka-
og Þjóðskjalasafns hin eina hérlendis á þessu sviði.
Enn var mikið unnið að viðgerðum á hitakerfi hússins svo og raf-
lögnum, og undirbúin var viðgerð á gluggum og þakbrúnum, sem
væntanlega verður hægt að hefjast handa um að vori.
Starfsmenn safnsins gerðu fáeina sjónvarpsþætti á árinu undir
samheitinu Munir og minjar, og f jölluðu þeir um tiltekið svið íslenzkr-
ar menningarsögu. Þættirnir voru sem hér segir:
Þór Magnússon: Askar og spænir, 30. janúar.
Þór Magnússon: SilfursmíSar íslendinga, 24. apríl.
Þór Magnússon: Bertel Thorvaldsen, 11. nóvember.
Árni Björnsson: Jólagleði, 18. desember.