Andvari - 01.01.1937, Side 22

18
Dr. Valtýr Guðmundsson
Andvari
miklu meiri not af símalagningu með landlínu frá aust-
fjörðum til Reykjavíkur, heldur en ef síminn næði til
höfuðstaðarins eins. Á alþingi 1901 var dr. Valtýr fram-
sögumaður fjárlaganefndar í neðri deild, og var hann
að mörgu leyti spar á fé, þótt framfaramaður væri. Eru
fjárlagaræður hans ítarlegar, og sýna þekkingu á stað-
háttum víða um land.
Eins og áður segir komst dr. Valtýr aftur á þing 1903,
en nú var hann í minnihlutaflokki, og heimastjórnar-
menn gerðu honum þann grikk, að kjósa hann til efri
deildar. Nýja stjórnarskipunin gekki í gildi 1. febr. 1904,
og varð Hannes Hafstein fyrsti innlendi ráðherrann, en
framsóknarmenn og landvarnarmenn urðu stjórnarand-
stæðingar. Mestum deilum og hita olli ritsímamálið, og
stóðu flokkarnir mjög andvígir í því máli á þingi 1905.
Dr. Valtýr hafði orð fyrir framsóknarmönnum í efri
deild, og var nú svo einkennilega snúið við blaðinu, að
hann deildi á Hannes Hafstein fyrir það, að Hafstein
hafði samið um ritsímalagningu á þeim grundvelli, sem
dr. Valtýr hafði fyrstur markað, en Hafstein raunar ver-
ið á móti á þinginu 1901. Taldi dr. Valtýr, að loftskeyta-
samband það, er Marconifélagið enska bauð, væri oss
miklu hagfelldara en sæsími, og ættum vér því nú að
hætta að hugsa um símalagningu milli íslands og út-
landa, en taka tilboði Marconifélagsins um þráðlaust
samband1. Heimastjórnarmenn fylgdu ráðherra óskiptir,
og sæsímalagning varð ofaná, sem kunnugt er. — f þing-
lokin skipti framsóknarflokkurinn um nafn og nefndist
þjóðræðisflokkur; Björn Jónsson var foringi hans utan
þings, en á þingi Skúli Thoroddsen og dr. Valtýr. Var
1) Sbr. Óðinn 1925, bls. 5. Sjá einnig grein um dr. Valtý eftir
Sigurð Guðmundsson í Degi 3. ágúst 1928.