Andvari - 01.01.1937, Qupperneq 28

24
Fiskirannsóknir
Andvari
sóknagögnum og nokkrum rannsókna-dagbókum. Féllu
því allar rannsóknir Dana hér við land að mestu niður
árið 1935, og 1936 urðu nokkur annarra ríkja skip til
þess að gera hér hinar nauðsynlegustu rannsóknir, sem
Danir höfðu ætlað sér að gera, ef þeir hefðu verið bún-
ir að fá sér nýtt skip í stað Dönu; en það gat ekki
orðið fullbúið fyrri en á næsta vori (1937). Af þessum
skipum starfaði hafrannsóknaskip Englendinga »George
Bligh«, hér mest að þeim rannsóknum, sem Dana hefði
annars framkvæmt. — Af þessum ástæðum varð sam-
vinna mín við Dani næsta lítil þessi ár. Hún var aðal-
lega í því fólgin, að aðstoða Dr. Táning í því að greiða
fyrir ungum náttúrufræðing, stud. mag. E. Bertelsen,
sem komið var fyrir á togaranum »Geir« (skipstj. Sig-
urður Sigurðsson) sumarið 1935, til þess að gera þær
mælingar og athuganir á fiski á djúpmiðum (> utan
landhelgi) í Faxaflóa og við Austfirði, sem auðið yrði
og þar með bæta úr því, sem niður varð að 'falla vegna
missis rannsóknaskipsins. Varð samvinnan milli hins unga
manns og þeirra á Geir hin bezta og árangurinn af
rannsóknunum furðu góður. — í sumar er leið var
Bertelsen (sem nú er víst orðinn magister) aftur á ferð
hér, gerður út af rannsóknastofnuninni dönsku, til þess
að rannsaka dýra- og þar með fiskalífið í lónum og fjör-
um á suðurströnd Iandsins, frá Reykjanesi til Horna-
fjarðar, vegna þess að rannsóknir á þessum sviðum
höfðu hingað til orðið útundan hjá Dönum. Vegna kunn-
ugleika míns á sumum þessum svæðum, aðstoðaði ég
mag. Bertelsen á ýmsan hátt. Árangur rannsóknanna
varð yfirleitt góður, þótt fiskalífið reyndist yfirleitt frem-
ur fátæklegt, og mun ég fá tækifæri til að minnast lítið
eitt nánara á einstaka atriði síðar í skýrslunni.
Af framantöldum ástæðum fór ég ekkert með Dön-