Skírnir - 01.01.1930, Blaðsíða 58
52
Alþingi árið 955.
[Skirnir
um sé tilefni til að rengja frásögn hans um þenna atburð
á Alþingi. Flestir eru á því máli, að treysta megi frásögn
hans. G. Bilfinger er sá eini, sem ég veit til, sem hefir
haldið því fram, að á henni sé lítið sem ekkert að byggja.
Ari hafi í hæsta lagi stuðzt við óljós munnmæli, en hafi
þó vikið þeim svo við, að af þeim yrði helzt ráðið, að
hvorki Úlfljótur, sem elztu íslenzku lögin eru kennd við,
né Þorsteinn surtur hafi þekkt tímatal kirkjunnar, en í raun
og veru hafi svo verið. Því að það var meginþáttur í kenn-
ingum Bilfingers, að íslenzka misseristalið væri myndað af
og byggt á tímatali kirkjunnar, og að þaðan væri vikan
komin inn í tímatalið. Þetta ríður algerlega í bága við
það, sem Ari prestur segir um fund sumaraukans, og get-
ur því eigi hvorttveggja rétt verið. Bilfinger áleit kenning-
ar sínar á svo sterkum rökum byggðar, að frásögn Ara
hlyti að vera röng, en í öðrum ritum, sem ég hefi náð í,
hafa þeir, sem um þetta efni hafa ritað, hallazt að því, að
kenningar Bilfingers geti ekki haggað við meginatriðum í
írásögninni um sumaraukann og fund hans.
Bilfinger álítur, að sjö daga vikan hafi komið til ís-
lands og Noregs með kristindóminum. Að vísu sé eigi ó-
hugsandi, að menn í þessum löndum hafi kynnzt henni
ofurlítið fyrr, en það sé samt engin ástæða til að ætla, að
svo hafi verið. í greininni »Misseristalið og tildrög þess« í
Skírni 1928 hefi ég hinsvegar haldið því fram, að sjö daga
vikan sé hér eldri og hafi verið kunn landnámsmönnum.
Ég skal eigi rekja hér ástæður mínar fyrir þeirri skoðun,
en vísa í því efni til greinarinnar.
í grein minni um misseristalið, sem áður er getið, er
sagt, að Bilfinger hafi haldið því fram, að sumaraukinn og
yfirleitt allt það, sem að viknatali lýtur, hafi verið fundið
og lögleitt hér eftir kristnitökuna. Þó að þetta sé sú skoð-
un, sem hann heldur mest fram, er rétt að geta þess til
leiðréttingar, að hann vili ekki fortaka, að misseristal og
sumarauki hafi verið tekinn í lög hér á landi áður en menn
urðu almennt kristnir, en þá hafi bæði Úlfljótur og Þor-
steinn surtur hlotið að þekkja tímatal kirkjunnar, ef einhver