Skírnir - 01.01.1930, Blaðsíða 278

272
Alþingi árið 1845.
[Skírnir
fylgi* og hennar verður annars víst ekki vart í umræðum
um málið.
Tillögum minni hlutans fylgdu margir merkir menn,
þar á meðal þeir Fjölnismenn. Tómas Sæmundsson var svo
heitur Þingvallarmaður, að hann sagðist heldur vilja þing-
laus vera, en að það yrði annarstaðar sett en á Þingvelli.
Aðrir fóru vægar í málið, svo sem islenzkir stúdentar
margir í Kaupmannahöfn. Þeir vildu láta þingið sjálft skera
úr því, hvar þingstaðurinn skyldi vera. Aðalrök Þingvallar-
manna voru þau, að vilji konungs væri sá, að þingið yrði
háð á Þingvelli, að það væri vilji þjóðarinnar, að þing-
mönnum úr alþýðustétt mundi verða þingvistin í Reykja-
vík óhæg. Mundi þeir una hag sinum þar illa. Þeir kunni
eigi dönsku og geti því engrar aðhlynningar eða vinsemdar
vænzt af hinni dönsku verzlunarstétt í Reykjavík. Muni
þeir jafnvel verða fyrir aðkasti og spotti af hálfu hinna
dönsku kaupmanna og verzlunarmanna. Því verði þeir
nauðbeygðir til að koma sér fyrir hjá tómthússmönnum
bæjarins. Muni þeir vegna litilsvirðingar heldri manna
bæjarins og illrar aðbúðar njóta sín verr við þingstörfin
en annars. Á Þingvelli gangi þar á móti jafnt yfir alla
þingmenn. Þeir verði þar allir að hafast við í tjöldum, þar
til þinghús verði reist þar. Fornhelgi staðarins muni verka
á hugi þeirra, auka þrek þeirra, þjóðrækni og starfsgleði.
Mundi yfir höfuð verða annar og hreinni svipur yfir sam-
kundunni, ef hún yrði haldin á Þingvelli, en ef Reykjavík
yrði þingstaður.
Á sveif með meiri hluta embættismannanefndarinnar
lögðust líka ýmsir ágætir menn. Merkastur þeirra og ágæt-
astur var Jón Sigurðsson. Hann skrifaði 2 ágætar ritgerðir
um Alþingismálið í Ný Félagsrit 1841 og 1842. Bera þær
ritgerðir langt af öllu, sem um það mál var þá ritað.
Reykjavíkurmenn rökstuddu mál sitt einkum með því, að
þinghald í Reykjavik yrði stórum kostnaðarminna en á
Þingvöllum. í Reykjavík mætti heyja þingið í latínuskól-
anum nýja og í Reykjavík gæti þingmenn komið sér fyrir
um þingtímann hjá einstökum mönnum. En á Þingvöllum