Skírnir - 01.01.1930, Blaðsíða 75
Skirnir]
Alþingi árið 1000.
69
tréfótur, sem allir hafa nokkuð dvalizt vestan hafs, hafi
verið kristnir. Og um nokkra er óvíst, svo sem Auðun
stota, Án rauðfeld, Bárð Suðureying, Þórð skeggja o. fl.
Þar á móti er berum orðum sagt um suma þessara manna,
að þeir hafi verið kristnir eða að minnsta kosti haft nokkra
nasasjón af kristinni trú. Helgi magri var einn hinna sið-
asttöldu. Hann trúði á Krist, en hét þó á Þór til sæfara og
harðræða. Hann var þó írskur í móðurætt og fæddur og
uppalinn fyrir vestan haf. Hann var göfgastur landnáms-
manna í Eyjafirði og ættfaðir flestra Eyfirðinga á söguöld,
sem nokkurt mannsmót var að. Synir hans og tengdasynir,
og afspringur allur, voru rammheiðnir. Og þó var hann
kvæntur skirðri konu, Þórunni hyrnu, systur Auðar djúp-
úðgu, en dóttur Ketils flatnefs. Örlygur gamli, bræðrungur
Auðar, var óskírður, en þó sagður kristinn, og Helgi bjóla,
bróðir hennar, er og kallaður kristinn. Hann byggði þó að
Hofi á Kjalarnesi, og niðjar hans, eins og Örlygs frænda
hans, urðu heiðnir. Þormóður og Ketill Bersasynir voru
kristnir og Jörundur kristni, en eigi er þess getið, að kristni
hafi haldizt i þeirra ætt. Auður djúpúðga er sögð vel krist-
in. Hún var vegskona mikil. Ó1 hún upp sonardætur sínar,
dætur Þorsteins rauðs. Ætla mætti, að þær hafi lika verið
kristnar, að nafni til að minnsta kosti. En eigi slóð kristin
trú hjá Auði þó dýpra en svo, að hún gifti þær ramm-
heiðnum mönnum, að minnsta kosti sumar þeirra. Ósk,
sonardóttir hennar, var t. d. gefin Hallsteini Þorskafjarðar-
goða, syni Þórólfs Mostrarskeggs. Sennilegt er, að einhverir
af fylgdarliði Auðar hafi verið kristnir, t. d. Erpur son Mel-
duns jarls. En hvernig sem það hefir verið, þá eru niðjar
Auðar rammheiðnir um 930—940. Sonar-sonar-sonur henn-
ar, Þórður gellir, er talinn meðal mestu höfðingja landsins
þegar um 930 og Breiðifjörður er alheiðinn alla 9. öldina.
Þorvaldur Koðránsson og Friðrik biskup komu einmitt að
Hvammi nokkru eftir 980, og blótaði Friðgerður húsfreyja
goð sín, meðan þeir biskup töldu trú fyrir henni, en son-
ur hennar hafði í spotti orð Þorvalds. Loks er Ketill fíflski,
systursonur Auðar djúpúðgu. Hann var kristinn og bjó í