Hugur - 01.01.2002, Side 125

Ritfregnir
Hugur
leysi. í inngangi er textinn settur í samhengi við hræringar í andlegu lífi
í Evrópu og á íslandi á 17. öld.
23. Róbert Jack og Ármann Halldórsson, ritstj.: Hvað er heimspeki?
Tíu greinar frá tuttugustu öld. Reykjavík: Hugvísindastofnun, 2001.
255 bls.
Bókin inniheldur greinar frá tuttugustu öld þar sem tíu höfundar
greina frá hugmyndum sínum um eðli og tilgang heimspekinnar. Um
leið er bókin inngangur að kenningum merkustu hugsuða liðinnar ald-
ar. A undan hverri grein má finna stutta kynningu á lífshlaupi viðkom-
andi höfundar sem og helstu verkum hans og ásetningi. Greinarnar eru
allar afar gagnleg lesning þeim sem vilja kynnast helstu straumum inn-
an „meginlandsheimspeki“ tuttugustu aldar: Tilvistarstefnu, fjTÍrbæra-
fræði og gagnrýninni samfélagsspeki. Útgáfa bókarinnar er mikilvægur
áfangi í íslenskri heimspekiumræðu - ekki síst vegna þess að yngstu
greinarnar snerta á málefnum sem mjög eru í brennidepli í heimspeki-
umræðu samtímans
24. Róbert Haraldsson: Tveggja manna tal. Reykjavík: Hið íslenska
bókmenntafélag 2001, 234 bls.
Tveggja manna tal er safn sjö greina sem fjalla um stef í heimspeki,
einkum nítjándu aldar. Tvær greinanna eru áður óbirtar. A meðal þeirra
spurninga sem leitast er við að svara í greinasafninu eru: Hvers vegna
skrifaði John Stuart Mill Frelsið? Hvaða siðaboðskap (ef einhvern)
geymir Brúðuheimili Henriks Ibsen? Af hverju er svo erfitt að átta sig á
framsetningarmáta Freuds í Undir oki siðmenningar? Hver er afstaða
Friedrichs Nietzsche til dauða guðs? í hverju felst árás Nietzsches á sið-
ferði? Hvað einkennir góða kvikmyndagagnrýni? Hvernig tengist
gagnrýnin hugsun vísindalegri aðferð?
Böðvar Yngvi Jakobsson tók saman
123