Búnaðarrit - 01.01.1913, Side 150
146
BÚNAÐARRIT
skift í sundur eftir endilöngu raeð þrem mjóum römm-
um, svo að 4 glerraðir verði í hverjum glugga. Þver-
rammar eru engir í gluggunum.
Rúðurnar eru skaraðar saman. Víxllegging þeirra
ætti ekki að vera mikil, hæfilegt 1 cm. Rétt væri a&
hafa til styrktar glugganum eina slá yflrum hann, þvert
undir glerinu.
Eftir nokkra daga fer að koma hiti í vermireitinn-
fara þá að vaxa sveppir á yflrborðinu, undir gluggunum.
Sé hitinn yfir 30°, er áburðinum þjappað saman;
dregur það nokkuð úr hitanum. Nú er moldin látin
ofan á áburðinn; þarf það að vera góð garðmold, dálítið'
sandblandin. Hæfilegt er að hafa það moldarlag 20—25
cm. þykt. Er þá mjög lítið bil milli moldarinnar og
glersins, þegar búið er að láta gluggann yfir. Reiturinn
er nú hafður tilbyrgður nokkra daga. Að eins verður
að opna hann nokkrum sinnum, til þess að stinga upp-
moldina. Sé moldin blaut, verður að halda gluggunum
opnum við og við, svo hún þorni.
Maður sér það og finnur það líka með hendinni,
þegar moldin er orðin hæfileg fyrir sáningu og gróður-
setningu. Heppilegast er talið, að hitinn í moldinni sé
12—14°. Hún er þá jöfnuð vel um reitinn, og rakað
þannig til i honum, að hún halli lítið eitt móti sól, eins
og gluggarnir. En mikill má hallinn ekki vera, því þá
verður erfitt að vökva án þess að moldin hreyfist um of,.
og plönturnar fari úr skorðum.
Þannig lagaðir reitir, sem nú hefir verið lýst, eru
hinir ódýrustu. Þessi lausa grind kostar ekki mikið, en
gluggarnir hafa ætíð nokkurn kostnað í för með sér;
hjá því verður ekki komist. Það sem helzt mætti finna
að svona reit er gluggastærðin; hún er fullmikil fyrir
einn ungling eða kvenmann.
Skemtilegri eru þeir vermireitir og fallegii útlits,
sem eru kistumyndaðir, þannig að hlaðnir eru torfveggir
upp af gryfjunni, og trégrind höfð ofan á, fyrir gluggana,