Búnaðarrit - 01.01.1913, Page 250
246
BÚNAÐARRIT.
báðum þakklátt fyrir áhuga þeirra. En af verklegum
framkvæmdum er ekki, svo kunnugt sé, annað að segja
en það, að Bæjarhreppur hefir komið upp hjá sér mynd-
arlegu skýli, steinsteyptu, yfir kornforðann. Skýrsla er
komin til búnaðarfólagsins um forðabúrið þar, og mun
hún koma í Búnaðarritinu.
Góðs viti er það, að sýslunefnd Eyjafjarðarsýslu hefir
tekið kornforðabúramálið til meðferðar. Byrji ein sýsl-
an, fer varla hjá þvi, að fleiri komi með.
Félagatal. Þess var getið á ársfundi í fyrra, að
vonast væri til að félagatalið fylti þúsundið á því ári.
Það varð. Félagið fékk árið sem leið fleiri nýja félaga
en nokkurt ár áður, 115. Voru það 90 einstakir menn
og 25 félög. í félaginu eru nú 140 félög, þar af 134
búnaðarfélög. Þó eru enn utan félagsins líklega nálægt
40 búnaðarfélög. Það sem af er þessu ári eru komnir
70 nýir félagar. Þar af eru 17 úr einum hreppi, Gnúp-
verjahreppi. Þar á nú búnaðarfélagið eins marga félaga
og bæir eru í hreppnum. í öðrum hreppi í Árnessýslu,
Hrunamannahreppi, hafa á þessu ári bæzt við 10 fé-
lagar. Svona þyríti að vera víðar.
Kjósa skyldi 2 fulltrúa, 1 varafulllrúa, 2 yfirskoð-
unarmenn og 2 úrskurðarmenn, til 4 ára, í stað þeirra
er kosnir voru á aðalfundi 1909 og kjörtími þeirra var
því nú liðinn. Þeir voru:
Fulltrúar: Guðmundur Helgason búnaðarfélagsforseti,
Eggert Briem bóndi.
Varafulltrúi: Halldór Vilhjálmsson skóiastjóri.
Yfirskoðunarm.: Björn Bjarnarson hreppstjóri,
Magnús Einarsson dýralæknir.
Úrskurðarm.: Júlíus Havsteen amtm.,
Kristján Jónsson háyfirdómari.
Voru þeir allir endurkosnir.
Jón H. Þorbergsson fjárræktarmaður flutti erindi
um sauðfjárrækt á Suðurlandi. Það mun koma út í
Búnaðarritinu.