Búnaðarrit - 01.01.1913, Qupperneq 271
BÚNAÐARRIT
267
málinu er komið á hverjum stað, vonum vér að fáist
nú á búnaðarþinginu. Lengst er því komið norðanlands
•og austan, enda var svo áður.
En þó að allar sýslurnar aðrar en Yestmannaeyjar
sé nú komnar í sambönd, þá er sambandaskipunin ekki
sú, sem búnaðarþingið ætlaðist til. Kjalarnesþing, sem
ætlast var til að yrði í sambandi annaðhvort við aust-
ursýslurnar eða vestursýslurnar, myndaði samband út af
fyrir sig 1912, og Snæfellsnessýsla og Dalasýsla hafa nú
í vor myndað samband sín í milli, en ekki gengið í
samband með Mýramönnum og Borgfirðingum. Virðist
oss mega una við þessa skipun sambandanna, þegar
aðalatriðið er fengið, það að samvinnufélagsskapurinn
komist á. En með þessari skipun verður ekki komið á
því fyrirkomulagi með fulltrúakosningarnar, sem búnað-
arþingið ætlaðist til. Samböndin eru nú sjö, og ef þau
ættu að kjósa íulltrúana, og þeir vera jafnmargir og
áður, þá yrði aðeins eitt þeirra, sem ætti að kjósa tvo
fulltrúa, og ætti það sjálfsagt að vera Ræktunarfélag
Norðurlands, því sambandssvæði þess er stærst og fjöl-
mennast. Hin samböndin 6 kysu þá 1 fulltrúa hvert.
Það mun nú láta nærri, að á svæði Búnaðarsambands
Suðurlands, sem næst gengur Ræktunarfélaginu að stærð,
búi jafnmargir menn, sem lifa aðallega á landbúnaði, og
á sambandssvæðunum rninstu þremur til samans, Kjal-
arnesþings, Borgarfjarðar og Dalamanna og Snæfellinga.
Og er af þessu dæmi ljóst, hvert misrétti það væri, ef
samböndin 6, önnur en Ræktunarfélagið, ættu að kjósa
einn fulltrúa hvert. Ef samböndin eiga að kjósa full-
trúana, og sæmileg samhljóðun að vera milli fulltrúatölu
og fjölmennis, verður að fjölga fulltrúum unr tvo að
minsta kosti, og ætti þá, eftir búnaðarþingsályktuninni,
Ræktunarfélag Norðurlands og búnaðarsambönd Austur-
lands og Suðurlands að kjósa tvo fuiltrúa hvert, en hin
einn fulltrúa hvert. Breyting í þessa átt mundi raska
hlutfallinu milli tölu fulltrúa þeirra, sem aðalfundur kýs,