Búnaðarrit - 01.01.1913, Page 290
286
BÚNAÐARRIT
3. fundur,
Þriðjudaginn 1. júlí kl. 5 síðdegis.
Allir á fundi nema Stefán Stefánsson.
1. Fram var lagt bréf frá Ásgeiri Eyþórssyni, dags.
1. júlí þ. á., um meðmæli til alþingis með styrkbeiðni
Ragnars sonar hans til náms við garðyrkjuháskóla í
Danmörku, 300 kr. á ári í 2 ár. Afhent fjárhagsnefnd.
2. Búnaðarsambandanefndin lagði fram álit sitt. Eftir
allmiklar umræður voru tillögur nefndarinnar sam-
þyktar þannig:
1. tillaga, fyrri málsgreinin með 6 samhlj. atkvæðum,
síðari málsgreinin með 9 samhlj. atkv.,
2. tillaga með 7 samhlj. atkv.
4. f u n d u r.
Miðvikudaginn 2. júli kl. 9 árd.
Allir á fundi nema Pétur Jónsson.
1. Jarðræktarnefnd lagði fram álit sitt um vatns-
virkjafræðing. Urðu um það ailmiklar umræður. Út
af þeim ummælum í nefndarálitinu, að félagsstjórnin
muni hafa talíð það vonlaust verk, að fara hinu sama
fram í þessu efni við landsstjórnina, sem við síðasta
alþingi, og freista þess að fá málið tekið fyrir á alþingi
nú með aðstoð stjórnarráðsins, var það tekið fram í
umræðunum, að svo væri eigi, heldur hefði þótt réttast,
úr því að búnaðarþing átti að halda um sama leyti og
alþingi byrjar, að búnaðarþingið vekti málið aftur við
alþingi, enda hefði af félagsstjórnarinnar hendi verið
vakið máls á því við nefndina, að bera fram tillögu um
það. Er umræðum var lokið, var 1. tillagan með at-
hugasemd þeirri, er henni fyigdi, samþykt í einu hljóði,
og 2. tillagan sömuleiðis.