Búnaðarrit - 01.01.1913, Blaðsíða 317
BÚNAÐARRIT
313
völl fyrir hagskýrslur, virðist svo sem skyldan til að ann-
ast um framkvæmdir á þessu hvíli á stjórn og þingi, og
að rétt sé, að landsjóður greiði kostnaðinn við þetta verk
að nokkru leyti. Hinsvegar ber að lita á það, að eigend-
um og ábúendum jarða er það mikils virði, að vita hið
rétta um stærð ræktaðs lands á jörðum sínum, og er því
sanngjarnt, að þeir kosti nokkru til verksins.
Greiðasta leiðin til að fá þetta verk framkvæmt virðist
vera sú, að gera það að skilyrði fyrír landsjóðsstyrk til
sveitabúnaðarfélaga, að félögin hafi innan ákveðins tíma
látið mæla öll tún og garða hvert i sinni sveit, bæði hjá
utanfélagsmönnum og öðrum. Mætti veit’a félögunum dá-
lítinn aukastyrk fyrir þetta starf, að verkinu loknu, og auk
þess heimila þeitn að heiinta ákveðið gjald af hlutaðeig-
endum fyrir mælinguna, og væri gjaldið miðað við stærð
lands þess, sem mælt er.
Mælingin ætti að framkvæmast af skoðunarmönnum
jarðabóta; með því móti yrði verkið ódýrast, en þá yrði
að veita félögunum hæftlegan frest til að f'ramkvæma verkið.
í sveitum þeim, þar sem engin búnaðarféfög eru, mætti
fela sveitastjórn að annast framkvæmdina.
Mælingin ætti að gerast þannig, að gerð væri ummáls-
teikning af hinu mælda landi, og helzt þannig, að festa
mætti saman i bókarform teikningarnar af öllu mældu landi
i sveitinni, og væru þær siðan í vörzluin búnaðarfélags eða
sveitastjórnar; mætti þá síðar með litlum kostnaði gera
eftirmynd af teikningunni af landi hverrar jarðar fyrir þá,
sem þess óskuðu, en með þessu móti væri það trygt, að
teikningarnar glatist ekki.
Kostnaðarins vegna væri tæplega gerandi, að mæla út
af fyrir sig sléttur og þýfi, enda minni þörf, því þegar
stærð túnanna í lieild sinni er fengin, og til eru skýrslur
um það sem sléttað er, má fara nærri um hve mikið er
slétt og hvað þýft.
T i 11 a g a;
Búnaðarþingið ályktar, að fela félagssljórninni að beina
þessum bendingum nefndarinnar til alþingis, með tilmælum
um, að það taki málið að sér og komi því í framkvæmd.