Búnaðarrit - 01.01.1933, Page 94
84
BÚNAÐARRIT
um 3/5 hluta, en nokkuð af tekjum tryggingarsjóðs skyldi
fást sem beint framlag úr hlutaðeigandi sveitarsjóði, og
var þar með viðurkennt að hinum efnaðri bændum bæri
að standa áveðurs við þá efnaminni, er harðindi gengju
að og ógnuðu með afurðatapi búfjárins eða felli. —
Ekkert af tekjum tryggingarsjóðs skyldi afturkræft, heldur
stefnt að því, að hvert félag eignaðist svo stóran trygg-
ingarsjóð, að hann nægði til að afstýra fóðurskorti í
harðindum, og er stundir liðu, þá mættu bændur hætta
að greiða iðgjöld af búfé sínu. — Búfjárræktarlögin
mæla svo fyrir, að þegar tryggingarsjóður fóðurbirgða-
félags er orðinn svo stór, að hann nemur 150 kr. fyrir
hvern félagsmann, þá sé félaginu rétt, með samþykki
aðalfundar, að létta af iðgjöldum af búfénu, að nokkuru
eða öllu leyti. Þó þarf samþykki atvinnumálaráðherra
til þess.
Er búfjárræktarlögin höfðu verið sett, þá fjölgaði þeim
röddum, sem mæltu með því, að fóðurbirgðafélög væru
stofnuð, en sjálfsagt hefur mjög skort á einhug bænda
í þessu efni, því lítið hefur miðað áfram síðan.
Veturinn 1930—’31 störfuðu <5 fóðurbirgðafélög
1931—’32 — 11 -----
— 1932—’33 starfa 13 -----
og verið að undirbúa stofnun 4 nýrra félaga. Það eru
þá aðeins rúmlega 6°/o af sveitum landsins, sem hafa
bundist þessum félagsskap. — Þessar eru undirtektir
bænda, enn sem komið er.
Hugsanleg er sú mótbára gegn stofnun fóðurbirgða-
félaga, og hefur enda heyrst, að nú sé svo erfið af-
koma bænda, að þeir geti ekki bætt á sig iðgjöldum <il
tryggingarsjóðs, og er þetta líklegs veigamesta ástæðan,
sem enn hefir verið borin fram gegn fóðurbirgðafélög-
unum. — Það skal fúslega játað, að þó að fóðurbirgða-
félög væru nú stofnuð í öllum sveitum landsins, þá
myndu þau ekki megna að létta samstundis af bændum