Búnaðarrit - 01.01.1933, Page 416
406
BÚNAÐARRIT
geta þó ef til vill gert gagn, með því að hefja umræður,
eða orðið til þess, að gamlar skoðanir séu teknar upp
að nýju og athugaðar frá nýjum sjónarmiðum.
I. íslenzkur jarðvegur.
Til þess að víkja þegar að efninu og leggja undir-
stöðuna að ýmsum þeim skoðunum mínum, sem hér fara
á eftir, vil ég »halda mér við jörðina* í orðsins eigin-
legu merkingu og athuga, hvað fyrri jarðvegsrannsóknir
og mínar eigin rannsóknir, geta leitt í ljós um þessa
undirstöðu nokkurra þýðingarmestu atvinnuvega Islands.
Mér vitanlega eru ekki til margar rannsóknir á ís-
lenzkum jarðvegi, þ. e. a. s. á efsta lagi eða skorpu
jarðarinnar, sem er ræktuð eða ræktanleg. Asgeir Torfa-
son og Helgi Jónsson hafa skýrt frá nokkrum rannsókn-
um á íslenzkum jarðvegi í »Búnaðarritinu« (20., 23. og
24. árg) og H. J. Hólmjárn hefir einnig gert það í sama
riti (ár 1921). M. Gruner skýrir einnig frá fáeinum mjög
eftirtektarverðum eðlis- og efnarannsóknum á íslenzkum
jarðvegi í hinu stóra riti sínu: »Die Bodenkultur
Islands*1). Aðal-skýrslurnar um þær efnarannsóknir, sem
hingað til hafa verið birtar, eru, að því er mér virðist,
í bæklingnum »Efnarannsóknir« (Skýrslur Búnaðarfélags
íslands nr. 3, 1930, bls. 16—23). Þar er sumpart gefið
meðaltal af rannsóknum af 4 þýðingarmiklum jarðvegs-
tegundum og sumpart yfirlitstafla til samanburðar yfir
þessi meðaltöl. Þessa töflu vil ég nú birta og líkja henni
saman við aðra löflu um svipaðar jarðvegstegundir frá
Mið-Evrópu2), þar sem tekin er »svört mold« (Tscherno-
sioem), til samanburðar við íslenzkan mýrajarðveg, vegna
þess, að hann er á margan hátt ólíkur mýrajarðvegi '
1) M. Gruner: „Die Bodenkultur Islands". Archiv fiir Bionto-
logie, Bd. III, Heft 2. 1912, bls. 74-77.
2) Fr. Schucht: „Grundzuge der Bodenkunde". Berlin 1930,
bls. 143.