Búfræðingurinn - 01.01.1951, Page 28

26
BÚFRÆÐINGURINN
komiS fyrir þvert á milli hliðstaura. Eru þau einkum notuð á þjóðveg-
um, þar sem girðing liggur yfir þá. Þau eru hvort tveggja örugg vörn
og trufla á engan hátt umferð bifreiða. Hafa hlið þessi rutt sér mjög
til rúms síðari ár. í aðalatriðum eru hlið þessi gerð á eftirfarandi hátt:
Steyptir eru grunnveggir og grafið vel fyrir þeim. A milli útveggja,
eftir stefnu vegarins, eru 2 milliveggir fyrir miðjum vegi og með sama
millibili og breidd er á milli bílhjóla. Breidd hliðsins þarf að vera
nægileg fyrir hvers konar mótorfarartæki, eða 3—4 m. Lengdin þarf
hins vegar ekki að vera meiri en 2 m. Ofan
á múrveggina er komið fyrir trébitum eða
járnum, sem fest eru á veggina með boltum,
er steyptir hafa verið niður. Á þessum bitum
er svo komið fyrir 2 þumlunga rörum með
6—8 cm millibili. Eru þau oft felld niður
í undirlagið og skorðuð á þann hátt. Einnig
má fella trébúta á milli þeirra og síðan festa
járn yfir rörin á bitunum til að halda þeim
örugglega í skorðum. í stað 2 þumlunga röra
má einnig nota t. d. braggajárn (T-járn).
Oftast eru hlið þessi höfð lárétt. Þegar
braggajárn er notað, eru þau stundum hærri
um miðjuna. Getur þetta orðið til þess, að
vegfarendur taka fyrr eftir hliðunum og keyra þá gætilegar gegnum
hliðið. Hlið þessi eru dýr, því að ganga verður mjög traustlega frá
þeim. Rörin kosta allmikið. Sé vel til þeirra vandað í fyrstu, er viðhald
þeirra lítið, enda þótt þau séu á fjölförnum þjóðvegi. Þessi hlið eru
einungis fær gangandi mönnum og mótorfarartækjum. Er það bæði
kostur og galli þeirra. Þess vegna verður að hafa við hlið þeirra ann-
að hlið af venjulegri gerð, til þess að hægt sé að koma búfé þar í gegn.
grindum og steyptum liliSstólpum. pípum meS vírneti. Steyptir hliSstólpar.