Unga Ísland - 01.06.1948, Side 17

Guðmundur Einarsson frá Miðdal:
Hinar hvítu íþróttir
Útileikir barna og unglinga voru mjög fábreyttir um alda-
mótin síðustu, sérstaklega þó á veturna.
Helzt voru þó iðkaðar sleðaferðir, og lítils háttar farið á
skautum. Skautar úr járni eða stáli voru óvíða til, en hag-
leiksmenn gjörðu skauta úr tré og stáli, með leðurböndum.
Annað var ekki hægt að nota með heimaunnum skóm.
Sum börn notuðu hrossleggi; að renna sér á „ísleggjum“
þótti skemmtilegt.
Mörgum fannst þá útileikir fjarstæða, og var heldur am-
azt við slíku brölti yngri kynslóðarinnar, nema þá helzt ef
fara skyldu bæja á milli einhverra erinda á skautum eða
skíðum.
Sleðaferðir til skemmtunar hafa ekki náð verulegri út-
breiðslu eða fullkomnun hér á landi, eins og til dæmis í
Alpafjöllum og Skandinavíu.
Nú, í 38 ár, hef ég haft með höndum kennslu og út-
breiðslustörf fyrir útiíþróttir.
Væri ég spurður, hvaða íþróttir ég teldi beztar og
skemmtilegastar að vetrarlagi, þá myndi ég hiklaust svara:
Skauta- og skíðaíþróttir. Væri spurt, hvað kæmi þar næst,
myndi ég svara: Skíða- og skautaíþróttir. — í þriðja lagi
yrði svarið það sama.
Veit ég vel, að þú, lesandi góður, munt brosa að þessu,
halda að ég gangi með „skíðaskrúfu“ í kollinum.
En takið eftir! Á ferðum mínum um Skandinavíu og