Frjáls verslun - 01.04.2014, Qupperneq 31

FRJÁLS VERSLUN 4. 2014 31
PáLL StEFánSSon
– ljósmyndari
Ef ég ætti að nefna hvað er mikilvægast við sím ann minn, fyrir utan
myndavélina, þá eru það HERE ­
landakortin. Það er alveg magn ­
að að geta ferðast í huganum,
skoðað staði, borgir og lönd á
góðum gervihnattamyndum.
Og ef maður breytir um snið,
fer í venjulegt kort, sér maður
í rauntíma hvernig umferðin
flýtur á helstu umferðaræðum
í flestum ef ekki öllum helstu
löndum jarðar. Það kom sér vel
um daginn þegar ég var að aka
frá Köben til Hamborgar og sá
fljótlega að hraðbrautin til Röd­
byhavn var rauð á kafla svo ég
flutti mig strax á annan akveg.
Seinna heyrði ég svo í danska
ríkisútvarpinu að stór árekstur
hefði lokað vegi E47 í á þriðja
klukkutíma. Þá beið ég eftir að
komast í ferjuna til Puttgarten
og hafði ekki lent í neinni töf.
Kosturinn við þessi símakort
er að þau eru alltaf fersk. Fyrir
nokkrum árum átti fjölskyldan
leið um Denver og gps­tækið
sem við leigðum ók okkur á
það hótel þar sem við höfðum
pantað næturgistingu. Þegar
þangað var komið var þar bara
brunninn grunnur; hótelið hafði
semsagt fuðrað upp þremur
árum fyrr og verið flutt á annan
stað í stórborginni. En gps­tæk­
ið var með gamla heimilisfangið
í sínum gagnagrunni.
Stundum undrast maður
hvern ig allar þessar upplýsing­
ar komast inn á kortagrunninn.
Tengdaforeldrar mínir eiga jörð
í Skagafirði og fyrir nokkrum
árum breyttu þau stóru bílaplani
fyrir framan húsið í fagurt hringt­
org. Skömmu seinna var HERE
búið að uppfæra heimreiðina;
hjá þeim var hringtorg á býli í
Skagafirði komið á kortið mitt í
snjallsímanum. Amen.

GRÆJUR
HERE og þar
„Tengdaforeldrar mínir
eiga jörð í Skaga firði
og fyrir nokkr um ár ­
um breyttu þau stóru
bílaplani fyrir framan
húsið í fagurt hring­
torg. Skömmu seinna
var HERE búið að
uppfæra heimreiðina.“
Stofnun nýs stjórnmála­flokks sem hefur það markmið að tryggja
viðskiptafrelsi með inngöngu
í ESB er nú á döfinni. Spyrja
má hvort pláss sé fyrir slíkan
flokk því fyrir eru tveir flokkar
sem hafa sett ESB­aðild á
oddinn. Í síðustu kosningum
var samanlagt fylgi þeirra um
20%. Forvígismenn hins nýja
flokks hyggjast þó ekki bara
keppa um fylgi meðal kjós­
enda þessara tveggja flokka
heldur reyna að höggva í raðir
kjósenda Sjálfstæðisflokks og
Framsóknarflokks. Kjósendur
þessara síðastnefndu flokka
eru þó ólíklegir til að styðja
aðild að ESB þótt nokkur hluti
þeirra sé hlynntur því að ljúka
aðildarviðræðum.
En auk þess að skapa sér
málefnalega sérstöðu þarf nýi
flokkurinn að tefla fram skel-
eggu fólki sem þegar hefur
getið sér gott orð. Það væri t.d.
ávinn ingur fyrir hann ef ein­
hverjir af núverandi þingmönn­
um gengju til liðs við flokkinn.
Hingað til hafa flokkar sem
hafa verið stofnaðir til höfuðs
„fjórflokknum“ þó ekki upp-
skorið mikið fylgi. Einna bestum
árangri náði Björt framtíð 2013
en þingmennirnir Guðmund­
ur Steingrímsson og Róbert
Marshall höfðu þá starfað undir
merkjum flokksins um nokkra
hríð.“
Er pláss fyrir nýjan flokk?
DR. StEFAnÍA ÓSKARSDÓttiR
– lektor við HÍ
STJÓRNMÁL