Frjáls verslun - 01.04.2014, Side 36

36 FRJÁLS VERSLUN 4. 2014
Birna Einarsdóttir, bankastjóri Íslandsbanka:
Íslenska bankakerfið
er breytt og sterkt
íslandsbanki var stofnaður á grunni Glitnisbanka eftir fall hans. til að stjórna íslands ­
banka var fenginn reynslubolti úr íslenskum bankaheimi, Birna einarsdótt ir. hún
man vel daginn sem hún var ráðin bankastjóri. „ójá. Þetta var dagurinn þegar ég
þóttist hafa himin höndum tekið,“ segir hún og hlær nokkuð kaldranalega. „svo
einfalt var það nú ekki.“
Hvernig finnst henni þá um ­
horfs í íslenskum banka heimi
nú um hálfum áratug eftir
hrun? „Mér finnst bankakerfið
á Íslandi mikið breytt, vinnu -
aðferðirnar eru betri og
ákvarðanirnar vandaðri. Bank -
arnir eru sterkir vegna þess
að þeir eru með hátt eigin fjár -
hlutfall eins og staðfest var nú
nýlega af norskum greinanda
sem var hér á ferð, eru með
sterka lausafjárstöðu. Mér
finnst því íslenska bankakerfið
breytt og sterkt.“
Líkt og hinna endurreistu
bankanna beið Íslandsbanka
það risavaxna verkefni að ráð -
ast í einhverja mestu endur -
skipulagningu fyrirtækja sem
um getur.
„Það var mikið átak og við
höfum þurft að leggja heilmikla
vinnu í endurskipulagningu.
Við vorum með milli 50 og
60% af lánabókinni okkar
„none performing“ eins og það
er kallað á bankamáli og við
þurft um að vinna með það. Nú
er þetta hlutfall komið niður í
7,8% og það hefur verið stóra
verkefnið okkar undanfarin
ár, að auka gæði lánasafnsins,“
segir hún. „Fólk var í mjög
erfiðri aðstöðu, lán höfðu
hækk að og óvissan var mikil.
Þetta var hörmuleg staða hjá
fjölda fólks og við nálguðumst
viðfangsefnið með það í huga.“
Lykillinn að þeim árangri sem
hefur náðst, segir Birna, var
að vinna með viðskiptavinum
bankans að því að finna lausn
á því hvernig mætti greiða úr
vandanum. „Það tók lengri
tíma en ég áætlaði í upphafi
að finna lausn þannig að allir
gætu verið þokkalega sáttir. Ég
held að í 99% tilfella höfum við
fundið góða niðurstöðu með
viðskiptavinum okkar. Kannski
tók það af þeim ástæðum lengri
tíma af því að við vild um ná
þessari sameiginlegu niður -
stöðu og af því að við vorum
að fara að vinna saman áfram.
Eins og ég sagði áðan höfðum
við það að leiðarljósi að við
værum að eiga við venjulegt
fólk í óvenjulegum aðstæðum
og að við vildum eiga það sem
viðskiptavini til framtíðar.“
Endurskipulagn ingin
tókst vel
„Ég held að endurskipulagn -
ingin hafi tekist vel,“ heldur
Birna áfram. „Það var til um -
ræðu hérna fyrst eftir hrun
að taka allt eignasafnið af
bönkunum sem færi í sérstakt
eignarhaldsfélag hjá ríkinu og
að við fengjum útlendinga til
að sjá um þetta af því að við
myndum sjálf ekki valda þessu
verkefni. Ég held að við höfum
sýnt að við gátum þetta alveg.
Þetta var mikið og erfitt en
við erum búin að klára þetta.
Nú er ánægjulegt að finna að
það er aukin eftirspurn eftir
nýjum útlánum; ég kalla það
að það sé ábyrgur vöxtur í út -
lánum og það eru allir mjög
vakandi fyrir því að fylgjast
vel með framvindunni. Þannig
að þegar sagt er að fyrirtækin
séu meira og minna öll að fara
í endurskipulagningu aftur, þá
einfaldlega könnumst við ekki
við að svo sé.
Og nú þegar spurt er hvort
þessi fyrirtæki séu ekki bara að
koma aftur til að láta afskrifa
hjá sér frekar, þá held ég að
það séu ekki nema eitt eða
tvö fyrirtæki sem hafa þurft að
fara aftur í endurskipulagningu
og eru þá fyrirtæki sem fóru í
gegnum ferlið mjög snemma
þegar við vorum kannski ekki
komin með tólin og tækin til að
gera þetta.“
En hefur þá verið afskrifað
nóg? „Já, það tel ég. Við erum
búinn að afskrifa í þessum
banka hér fimm hundruð og
fjörutíu milljarða. Við tókum
yfir þúsund milljarða í lána -
samn ingum þannig að það er
helmingurinn sem er farinn.“
Birna telur mikilvægt að
skynsamleg lending skuli hafa
náðst í kjarasamningunum fyrr
á árinu og ánægjulegt að sjá
að verðbólgan er að fara niður
eins og kjarasamningarnir
gengu út á og samstaða náðist
um að miklu leyti. „Við sjáum
að fjárfesting er að fara af stað,
við sjáum að það er aukning
eftir nýjum útlán um og það
sem er kannski ánægju legast
er að við sjáum að þetta kemur
nokkuð jafnt úr öllum greinum;
sjávarútvegi, fasteigna geiran -
um, ferðaþjónustunni, og ein -
staklingar að fjárfesta í húsnæði
og bílum og tækjum. Þetta er
jafn vöxtur alls staðar og því
hef ég ekki miklar áhyggjur
af því að hér sé að eiga sér
stað einhver bólumyndun.
Hagvöxturinn hér á landi núna
er meiri en víðast hvar í ná -
granna löndunum og ástæða
þess er sú að við tókum dýpri
skell og þurftum eiginlega að
byrja upp á nýtt.“
Einhver umræða hefur verið
um að bóla sé að myndast á
fasteignamarkaði en Birna segir
að greiningardeild Íslands -
banka fylgist grannt með slíku
og telji að slíku sé ekki fyrir að
fara. „Við erum enn að vinna
upp 30-40% raunlækkunina
á fasteignum sem átti sér stað
í hruninu og erum ekki búin
að jafna hana út. Ég held að
fólk sé almennt mjög vakandi
fyrir bólumyndun. Mér finnst
ég vera það og að fólkið í
kringum mig sé það líka. Við
fáum margar lánsumsóknir úr
ferðaþjónustunni en við höfum
2014
áhrifamestu
konurnar
100
TexTi: Björn viGnir siGurpálsson