Frjáls verslun - 01.04.2014, Side 58

58 FRJÁLS VERSLUN 4. 2014
É
g er ánægðust með hvernig við
höfum tekist á við okkar erfið -
asta rekstrarár til þessa. Þegar
álverð er lágt og það kemur
til raforkuskerðingar á sama tíma þar
sem við töpum framleiðslu upp á 11.000
tonn af áli þá er mikilvægt að finna fyrir
meðbyr innan fyrirtækisins. Starfsfólk áttar
sig á því að þetta er ekki bara mál sem
stjórnendur þurfa að leysa úr heldur verða
allir að leggja sitt á vogarskálarnar við að
leita lausna og finna tækifæri til sparnaðar
eða aukins hagnaðar. Ég er afar ánægð
með að sjá hvernig okkur hefur tekist að
standa saman í þessu erfiða en tímabundna
ástandi.“
Janne segir að atvinnulífið á Íslandi sé á
góðri leið með að komast upp úr hjólför -
un um. „Þessar breytingar mættu vissulega
ganga hraðar fyrir sig svo við náum sem
fyrst stöðugu rekstrarumhverfi fyrir at -
vinnu lífið en þar með munum við tryggja
fé fyrir fjárfestingar hér á landi. Þær eru
nauðsynlegar til að hjól atvinnulífsins geti
snúist af fullum krafti.“
Janne er bjartsýnni á uppgang atvinnu -
lífsins en á sama tíma í fyrra og bendir á
að hún kjósi alltaf að vera bjartsýn. „Hér
fyrir austan er margt í deiglunni sem
bendir til þess að atvinnulífið sé að taka
við sér, til dæmis ný jarðgöng, nýbyggingar
og efling ferðaþjónustu. Þá hlakka ég til
að sjá hvernig framvindan verður með
að byggja hér upp þjónustu við olíuleit
á Drekasvæðinu og hvað það mun þýða
fyrir samfélagið. Ég verð þó að viðurkenna
að ég myndi vilja sjá aðeins meiri gang í
þessum málum svona almennt og að fjár -
fest ingar hér á landi ykjust.“
Hvert finnst henni vera brýnasta verkefni
ríkisstjórnarinnar?
„Ég tel að brýnast sé að tryggja stöðug -
leika og trúverðugt rekstrarumhverfi fyrir
atvinnulífið. Þegar fyrirtæki fjárfesta hér
á landi þarf að vera ljóst hvaða starfs um -
hverfi þeim er boðið upp á og svo þarf
að standa við það. Skattalegt umhverfi
atvinnulífsins þarf að vera stöðugt. Við
erum til dæmis enn að greiða raforkuskatt
sem var lagður á okkur tímabundið á
árunum 2009 til 2012.“
Janne segir að sér þyki auðvelt að stofna
fyrirtæki á Íslandi en mun flóknara sé að
tryggja tilskilin leyfi og rekstrargrundvöll
og mætti gera betur í að einfalda reglu -
verkið.
Hver eru að hennar mati þrenn algeng ustu
mistök stjórnenda í starfi?
„Í fyrsta lagi er of oft ráðið inn í stjórn -
endastöður út frá bestu tæknilegu kunn -
áttunni en ekki út frá bestu stjórnenda -
eigin leikunum. Þetta getur valdið því að
viðkomandi fer í þann gír að taka ábyrgð
frá starfsmönnum þar sem stjórn andinn
telur sig hæfastan til að sinna öllum
verkum. Í öðru lagi gleymist oft mikil -
væg asta stjórntækið að mínu mati, sem
er þátttaka starfsmanna. Í þriðja lagi sitja
stjórn endur oft of mikið á eigin skrifstofu
og verja því ekki nægum tíma þar sem
kjarnastarfsemin í fyrirtækinu á sér stað.“
Hvert er besta veganestið sem Janne hefur
fengið í stjórnun?
„Eins og kom fram hér að ofan þá finnst
mér þátttaka starfsmanna mikilvægasta
stjórnendatólið en þrátt fyrir það eigum við
öll til að detta í þann gír að tala um hvernig
aðrir eiga að sinna sínu starfi. Góður vinur
minn kenndi mér mikið þegar við vorum
að koma verksmiðjunni á fót hér eystra
en þá var mikið um fundi þar sem slík
umræða átti sér stað. Þá sagði þessi mæti
maður alltaf: „Stopp! Hvern vantar hér við
borðið?“ Þannig vísaði hann til þess að á
fundinn vantaði fulltrúa fólksins sem í raun
vann störfin sem við vorum að fjalla um.
Annað sem mig langar að nefna og er afar
mikil vægt í stjórnun er að horfa stöðugt
fram í tímann. Það er ekkert til sem heitir
„að lifa í núinu“ hjá stjórnendum. Við er -
um alltaf að skipuleggja næstu vikur, mán -
uði og ár.“
janne situr í stjórn ams (samvinna
álfyrirtækja á norðurlöndunum vegna
umhverfis­, heilsu­ og öryggismála) og
í nefndinni samráðsvettvangur fyrir
hagsæld íslands.
brýnast að tryggja stöðugleika
Janne Sigurðsson, forstjóri Alcoa­Fjarðaáls:
Janne Sigurðsson, forstjóri Alcoa-Fjarðaáls.
2014
áhrifamestu
konurnar
100
F
A
S
TU
S
_F
_2
1.
06
.1
4
Hyggur þú á hótelrekstur?
Þarf að endurnýja það sem fyrir er?
Við erum með gott úrval birgja sem tryggja alltaf það nýjasta í húsgagnahönnun,
vandaðan frágang og sérsniðnar lausnir.
Allt frá hnífapörum og uppí svefnherbergishúsgögn -
ásamt miklu úrvali af borðbúnaði og alhliða lausnum fyrir eldhús.
Fáðu nánari upplýsingar
- leitaðu tilboða og kynntu þér úrvalið hjá sölumönnum Fastus.
Komið í verslun okkar að Síðumúla 16. Opið mán - fös 8.30 - 17.00
Síðumúli 16 • 108 Reykjavík • Sími 580 3900 • www.fastus.is
Fastus býður uppá heildstæðar lausnir í húsbúnaði
þegar kemur að veitingastöðum, hótelum o.þ.h.