Frjáls verslun - 01.04.2014, Qupperneq 63

FRJÁLS VERSLUN 4. 2014 63
Ólöf nordal, formaður bankaráðs Seðlabanka Íslands.
skapandi greinar skila miklu
Ólöf Nordal, formaður bankaráðs Seðlabanka Íslands:
Ó
löf Nordal segir að það að verð -
bólga hefur verið við mark mið
síðustu mánuði sé sá árangur
sem hún er ánægðust með hjá
Seðla banka Íslands það sem af er árinu.
„Við erum að þokast í rétta átt,“ segir
hún þegar hún er spurð hvort henni finnist
atvinnulífið vera komið upp úr hjólför -
unum. „Við sjáum nú merki um auknar
fjár festingar á ýmsum sviðum, sem er
mikilvægt fyrir þjóðarbúið. Undan farin
ár hefur ferðaþjónustan verið gríðar legur
vaxtarbroddur en nú sjáum við að þær
greinar sem verst fóru út úr efnahags krepp -
unni eru smátt og smátt að rétta úr kútnum
og er byggingariðnaðurinn ágætt dæmi
um það. Svo finnst mér afskaplega gaman
að sjá hvað skapandi greinar eru að skila
okkur miklu. Þessi verkefni sem við höfum
til dæmis fengið tengt kvik myndaiðnaðinum
eru ein allsherjar dá semdar landkynning,
ekki bara á náttúr unni okkar heldur líka
á fagmennsku þeirra sem að þessum verk -
efnum koma en þessi verkefni snerta svo
marga fleti atvinnulífsins. Kannski er það
vegna þess að ég bý erlendis að ég fæ að
heyra þetta reglulega.“
Ólöf segist vera bjartsýnni á uppgang
atvinnulífsins nú en á sama tíma í fyrra.
„Hagtölur ýta einnig undir þá bjartsýni en
það skiptir máli að halda vel á spöðunum,
að ríkið sýni áfram aðhald og ráðdeild, að
við ýtum undir innlenda fjárfestingu og
hugum að því að laða til okkar erlenda
fjár festa. Í mínum huga skiptir fjölbreytni í
atvinnulífinu miklu máli.“
Hvert finnst henni vera brýnasta verkefni
ríkisstjórnarinnar? „Það er tvennt. Að
afnema gjaldeyrishöftin og greiða niður
skuldir ríkissjóðs. Það verður aldrei of oft
sagt hversu brýnt það er að ríkissjóður
komist aftur á réttan kjöl. Þannig verða
til fjármunir til uppbyggingar á öllum
sviðum þjóðfélagsins, ekki síst á vettvangi
menntunar, vísinda og heilbrigðismála.“
Ólöf segist telja að það sé auðvelt að
stofna fyrirtæki á Íslandi og hefja rekstur.
„Til að ná árangri til lengri tíma þarf
þolinmæði, gætni og ábyggilega gott krydd
af heppni öðru hvoru.“
Hver telur hún vera þrenn algengustu
mistök stjórnenda í starfi? „Það er alveg
sama hversu stór fyrirtækin eru; lykillinn
að árangri felst yfirleitt í því að fólk viti
nákvæmlega hvar það stendur, hvert það
er að fara og fái reglulega endurgjöf um
það hvernig gengur og hvað má bæta.
Algengustu mistökin felast í því gagnstæða:
Óljósri stefnu og illa skilgreindum verk -
efnum, slæmri eftirfylgni og lítilli eða
loðinni endurgjöf. “
Þegar Ólöf er spurð hvert sé besta vega -
nestið sem hún hefur fengið í stjórnun segir
hún: „Kannski tvennt: Hlusta meira en
maður talar og það reddast ekkert af sjálfu
sér. Maður verður að puða í hlutunum.“