Frjáls verslun - 01.04.2014, Qupperneq 68

68 FRJÁLS VERSLUN 4. 2014
þarfar kerfisbreytingar
og framtíðarstefna fyrir Ísland
Katrín Olga Jóhannesdóttir, stjórnarformaður Já:
K
atrín Olga Jóhannesdóttir segir
að starfsmenn Já séu stoltastir
af útgáfu nýja Já-appsins sem
hún segir hafa slegið í gegn
hjá Íslendingum. „Enda er það þannig að
viðkomandi er kominn í samband við fólk
eða fyrirtæki innan við fimm sekúndum frá
því að leit hefst.“
Hún segir að sér finnist atvinnulífið vera
komið upp úr hjólförunum. „Auðvitað
finnst okkur alltaf að það megi ganga
hrað ar en við sjáum margar vísbendingar í
hagtölum um að við séum komin úr þeirri
stöðu sem við vorum í. Ég held líka að við
þurfum að fara að tala þannig; mér finnst
stundum að hin tilfinningalega kreppa hafi
verið erfiðari en sú raunverulega.“
Katrín Olga segist vera mun bjartsýnni
á uppgang atvinnulífsins en á sama tíma
í fyrra. „Mér finnst vera mörg teikn
í hagtölum sem auka bjartsýni. Við í
atvinnu lífinu þurfum að skoða hvað við
getum gert til að auka hagsæld hér á landi
en ekki treysta á að stjórnvöld leiði þann
vagn. Við þurfum að skoða hvar við getum
aukið framleiðni en það er ljóst að þar
má gera mun betur ef við viljum vera í
hópi þeirra þjóða sem við berum okkur
saman við. Við þurfum að skoða hvað við
getum gert til að auka samkeppnishæfni
þjóðarinnar.“
Þegar hún er spurð hvert henni finnist
vera brýnasta verkefni ríkisstjórnarinnar
nefnir hún afnám gjaldeyrishafta sem hún
segir að sé erfitt og vandasamt verk efni.
„Við í atvinnulífinu erum orðin nokk -
uð óþolinmóð og viljum fara að sjá fyrir
end ann á gjaldeyrishöftunum, um leið og
við gerum okkur grein fyrir því að það
þarf að vanda vel til verka. Þá finnst mér
einnig brýnt að fara í þarfar kerfis breyt-
ingar sem liggja mjög víða. Við þurfum
að stytta grunn- og framhaldsskóla, við
þurfum að vera með opinn huga fyrir
því að hleypa einkarekstri inn í skóla- og
heilbrigðiskerfið. Við þurfum að selja ríkis -
eignir til að grynnka á skuldum þjóðar -
búskaparins; af hverju þurfum við t.d. að
hafa flugstöðina á Keflavíkurflugvelli í
ríkiseigu þegar flugvellir í nágrenni okkar
eru flestallir reknir af einkaaðilum? Þá
finnst mér nauðsynlegt að ræða breytingar
á landbúnaðarkerfinu – öllum til hagsbóta.
Verndarstefna hefur hingað til ekki verið
til hagsældar, a.m.k. ekki fyrir bænd ur.
Svo langar mig mikið til þess að ríkis -
stjórnin blási til sóknar og hefji vinnu við
stefnu mótun Íslands til framtíðar með
þátttakendum frá stjórn, stjórnarandstöðu
og öðrum hagaðilum. Ég held að það væri
mjög gott að setja niður stefnu sem legg ur
grunn til framtíðar og fá sem mesta sátt um
hana þannig að við séum ekki að breyta
algerlega um kúrs á fjögurra ára fresti
– þetta væri grunnurinn sem allir væru
sammála um en síðan gæti hver stjórn mála -
flokkur haft sínar áherslur og um það sner -
ust kosningar.“
Varð andi þrenn algengustu mistök stjórn -
enda í starfi segir hún: „Í fyrsta lagi að
gleyma sér í amstri dagsins og hlúa ekki að
stefnumörkun til framtíðar, í öðru lagi að
nýta sér ekki fjölbreytileika í starfs manna -
hópi með tilliti til aldurs, menntunar og
kyns og í þriðja lagi að bregðast of seint við
ef hlutirnir ganga ekki upp.“
Hvað með besta veganestið sem Katrín
Olga hefur fengið í stjórnun? „Að standa
með sjálfri mér og hafa trú á fólki.“
katrín olga er í stjórn já hf.,
icelandair Group, Ölgerðarinnar og
samráðsvettvangs um aukna hagsæld
á íslandi.
2014
áhrifamestu
konurnar
100
Katrín olga Jóhannesdóttir, stjórnarformaður Já.