Frjáls verslun - 01.04.2014, Blaðsíða 70

70 FRJÁLS VERSLUN 4. 2014
2014
áhrifamestu
konurnar
100
Gunnur Helgadóttir,
framkvæmdastjóri
Vistors.
É
g er gríðarlega ánægð með
þau umskipti sem hafa orðið
í rekstri kaupstaðarins, úr
rekstr artapi í hagnað,“ segir
Regína Ásvaldsdóttir þegar hún er spurð
hvaða árangur hún er ánægðust með í
Akraneskaupstað það sem af er árinu. „Ég
er líka mjög ánægð með þá viðurkenningu
sem leik- og grunnskólarnir okkar fá í hinni
árlegu sveitarfélagakönnun Capacent en
þeir lenda í 1. og 2. sæti á landsvísu hvað
varðar ánægju með starfsemina.“
Regína játar því að sér finnist atvinnulífið
vera komið upp úr hjólförunum og segist
upplifa hægan en örggan bata í atvinnu líf -
inu á Akranesi.
Þá segist hún vera bjartsýnni á uppgang
atvinnulífsins en á sama tíma í fyrra. „Hvað
varðar okkar svæði þá eigum við von á
frekari uppbyggingu á Grundartanga sem
er mjög mikilvægt og einnig hefur vinnsla
sjávarútvegs aukist hér á Akranesi svo ég
nefni tvö dæmi.“
Hvert finnst henni vera brýnasta verkefni
ríkis stjórnarinnar? „Að gera allt sem
í hennar valdi stendur til að umgjörð
atvinnu lífsins á Íslandi verði sem best.“
Spurð hversu auðvelt sé að stofna fyrir -
tæki á Íslandi og komast inn á markaði
segir Regína að það sé mismunandi og fari
eftir því hver atvinnugreinin er.
Þegar hún er spurð hver séu að hennar
mati þrenn algengustu mistök stjórnenda í
starfi segist hún verða að fá að snúa spurn -
ingunni við og segja að sveigjanleiki sé
mikill kostur í stjórnunarstarfi. „Einnig
tel ég kost að geta viðurkennt mistök og
svo finnst mér alveg nauðsynlegt að sjá
skóginn fyrir trjám, það er að festast ekki í
aukaatriðum.“
Hvert er besta veganestið sem Regína
hefur fengið í stjórnun? „Ég lærði ung að
taka ábyrgð og það er gott veganesti að
hafa almennt í lífinu sem og í stjórnunar -
starfi.“
regína á sæti í stjórn eignarhalds félags ­
ins spalar ehf. og er varafor mað ur
almannavarnarnefndar akraness.
Úr rekstrartapi í hagnað
Regína Ásvaldsdóttir, bæjarstjóri Akraness:
Regína ásvaldsdóttir, bæjarstjóri Akraness.