Frjáls verslun - 01.04.2014, Qupperneq 76

76 FRJÁLS VERSLUN 4. 2014
tækifærin eru
tvímælalaust fyrir
hendi
Herdís Dröfn Fjeldsted, framkvæmdastjóri
Framtakssjóðs Íslands:
S
tarfsemi FSÍ hefur geng ið vel
það sem af er árinu. Nýverið
seldi sjóð urinn 20,9% hlut í N1
og hefur nú selt allan sinn hlut í
félaginu og er það þriðja skráða félagið
sem selt er að fullu úr eigu sjóðsins.
Sjóðurinn greiðir andvirði innleystra
eigna til eigenda sinna sem eru lífeyris -
sjóðir landsmanna og Lands bank inn að
stærstum hluta. Það er ánægjulegt hversu
vel hefur geng ið að skapa þessum aðilum
góðan ávinning af fjárfestingu í FSÍ.“
Herdís Dröfn Fjeldsted segir að margt
bendi til þess að hreyfing sé að komast
á atvinnulífið. „Enn eru þó margar
hindranir í því að full samkeppnishæfni
náist. Gjald eyrishöft eru í landinu sem
skapa ójafnvægi sem ekki verður búið við
til lengdar. Ég er þó von góð um að okkur
takist að skapa hér grundvöll fyrir öflugt
samfélag til lengri tíma litið.“
Hún segist vera bjartsýnni á uppgang
atvinnulífsins en á sama tíma í fyrra. „Mér
finnst heldur hafa þokast í rétta átt síðasta
árið. Tækifærin eru tvímælalaust fyrir
hendi. Við eigum margt ungt og menntað
fólk sem með réttri umgjörð ætti að geta
nýtt þau tækifæri sem liggja m.a. í miklum
auðlindum landsins.“
Hvað með brýnasta verkefni ríkis stjórn­
arinnar? „Afnám gjald eyrishafta og að
stuðla að farsælli lausn á eignarhaldi
bank anna.“
Herdís Dröfn segir að það sé eflaust
misjafnt eftir greinum hversu auðvelt sé
að stofna fyirtæki á Íslandi og komast inn
á markaði og bætir við að það sé engin
spurning í sínum huga að nauðsynlegt
sé að skapa betra umhverfi sem hvetji til
frekari nýsköpunar.“
Þegar Herdís Dröfn er spurð hver séu
þrenn algengustu mistök stjórnenda
í starfi segir hún: „Skortur á skýrum
samskiptum og markmiðasetningu fyrir
starfsmenn, halda of mörgum verkefnum
að sér og gleyma að hrósa starfsmönnum
fyrir vel unnin verk.“
Hvað með besta veganestið sem hún
hefur fengið í stjórnun? „Ég hef verið svo
lánsöm að hafa lært af hæfileikaríku og
reyndu fólki sem hefur gefið mér góð ráð
í gegnum tíðina.“
herdís dröfn er stjórnarformaður
icelandic og situr í stjórn Promens og
invent farma.
2014
áhrifamestu
konurnar
100
Herdís Dröfn Fjeldsted, framkvæmdastjóri Framtakssjóðs Íslands.
Sigrún Magnúsdóttir,
formaður þingflokks Framsóknar­
flokksins.
Katrín Pétursdóttir,
forstjóra Lýsis.